• USD 1,7000 0,00% EUR 1,8823 -0,03%
    • GBP 2,1950 -0,31% RUB 0,0266 0,00%

SON DƏQİQƏ: 11 kənd və bir qəsəbə azad edildi, 277 terrorçu öldürüldü, türk ordusu... (YENİLƏNİR)

SON DƏQİQƏ: 11 kənd və bir qəsəbə azad edildi, 277 terrorçu öldürüldü, türk ordusu...

Hərəkatın başlanmasından bu yana öldürülən terrorçuların sayı 277-ə çatıb. Bu barədə Türkiyə Müdafiə Nazirliyindən bildirilib.

Həmçinin, məlumata görə, əməliyyat zamanı Türkiyə ordusunun bir hərbçisi şəhid olub. Hərbçilərlə terrorçu PKK/PYD və YPG qruplaşmalarının silahlıları arasında baş verən atışma nəticəsində üç əsgər isə yaralanıb.

***

10 oktyabr 21:37

"Sülh Çeşməsi" hərəkatı çərçivəsində Rasulayn bölgəsinin şərqindəki strateji əhəmiyyətə malik Darbasiyah qəsəbəsi PKK/YPG və İŞİD terrorçularından təmizlənib.

Publika.az Türkiyə KİV-inə istinadən xəbər verir ki, qəsəbənin nəzarət altına alınması ilə YPG-yə göndərilən istənilən yardımların yolu kəsilib.

Əməliyyat zamanı həmçinin Tel Abyad və Rasulayn bölgələrinin 11 kəndi terrorçulardan azad olunub.

Rasulaynda bir sığınacağa endirilən aviazərbə ilə 19 PKK/PYD-YPG terrorçusu öldürülüb. Beləliklə, hərəkatın başlanmasından bu yana öldürülən terrorçuların sayı 174-ə çatıb.

***

18:47

Türkiyə ordusu Fəratın şərqində həyata keçirilən “Sülh Çeşməsi” əməliyyatı çərçivəsində yeddi kəndi azad edib.

Publika.az xəbər verir ki, dünəndən başlayaraq, Tel Abyad və Rasulyan bölgələrində 7 kənd terrorçulardan təmizlənib. Türkiyə prezidenti Rəcəb Tayyip Ərdoğan bildirib ki, dünəndən bu günə qədər 109 terrorçu məhv edilib. Əməliyyatlar zamanı Türkiyə ordusu və Azad Suriya Ordusu heç bir itki verməyib.

***

Türkiyə Silahlı Qüvvələri və Suriya Milli Ordusu Suriya xalqı tərəfindən secinclə qarşılanıb.

Publika.az xəbər verir ki, bölgəyə ezam olunan xəbər agentlikləri son dəqiqə məlumatlarını görüntülərlə birlikdə yayımlayır.

Fotolara aşağıdakı qalereyadan baxa bilərsiniz.

***

15:46

Hərəkat çərçivəsində Suriya Milli Ordusu Təl Abyadın qərbindəki Əl Yabsə və Təl Fandər kəndlərini terrorçulardan təmizləyib.

Publika.az xəbər verir ki, bu kəndlər hərəkat çərçivəsində təmizlənən ilk iki kənddir.

SMO qüvvələri Təl Abyad mahalının qərbindəki kəndlərdə təhlükəsizlik tədbirləri görür.

***

14:54

“Sülh Çeşməsi” hərəkatı Təl Abyad və Ras əl-Ayn bölgəsində davam edir. Hərəkat başladığı saatdan bu ana qədər 109 terrorçu öldürülüb.

Publika.az xəbər verir ki, bunu Türkiyə prezidenti Rəcəb Tayyib Ərdoğan açıqlayıb.

Qeyd edək ki, hərəkat ötən gün gecə saatlarından etibarən start götürüb.

***

12:00

Türkiyə Silahlı Qüvvələri və Suriya Milli Ordusu ölkənin şimalında YPG/PKK və İŞİD terror təşkilatlarına qarşı başladılan “Sülh Çeşməsi” hərəkatı çərçivəsində Təl Abyad – Ras əl Ayn arasındakı Təl Ərkam kəndinə yaxın bağlnatı yolunu nəzarətinə götürüb.

Publika.az xəbər verir ki, TSQ Ras əl-Aynın qərbindəki Təl Xələf kəndinə yaxın sərhəd divarının bir qismini sökərək bölgəyə girib. Tabatin və Əl-Muşrifah kəndlərinin nəzarəti ordu birliklərinin əlindədir.

YPG/PKK işğalındakı Ras əl-Ayndan təyyarə əleyhinə atılan mərmilər Ceylanpınardakı 3 evə düşüb. Evlərdən birindəki 13 və 15 yaşlı qardaşlar yaralanıb. Onlar dövlət xəstəxanasına yerləşdirilib.

“Sülh Çeşməsi” hərəkatı çərçivəsində Türkiyə Silahlı Qüvvələri tərəfindən Mardinin Suriya sərhədində yerləşən Qamışlı bölgəsində 5 YPG/PKK terrorçusu zərərsizləşdirilib.

Əməliyyat davam edir.

***

11:05

“Sülh Çeşməsi” hərəkatının başlamasından sonra YPG/PKK terrorçuları Suriyanın şimalında fərqli cəbhə açmaq cəhdi ilə “Fərat Qalxanı” hərəkatı bölgəsindən Suriya Milli Ordusuna hücumlar təşkil edib.

Publika.az xəbər verir ki, terrorçular Bab və Azezdə 7 kənd və SMO mövqelərini atəşə tutub. Təl Rıfat bölgəsindən isə ordunun mövqelərinə sızmağa cəhd göstəriblər.

SMO savaşçıları terrorçulara cavab verib. Qarşıdurma 2 saata yaxın davam edib. Türkiyə Silahlı Qüvvələri terrorçuların mövqelərini top atəşinə tutub.

***

10:51

Türkiyənin cənub sərhədində yaradılması planlaşdırılan terror koridorunu dağıtmaq üçün başlatdığı “Sülh Çeşməsi” hərəkatı ikinci gününə daxil olub.

Publika.az xəbər verir ki, ötən gün Ras əl-Ayn və Təl Abyaddakı terrorçu mövqeləri F-16 qırıcıları ilə məhv edilib. Ardınca quru qoşunları sərhədi keçib.

Bu gün gələn son dəqiqə xəbərinə görə, komandolar Fəratın şərqində irəliləməyə davam edir.

Ötən gün prezident Rəcəb Tayyib Ərdoğan “Türkiyə Silahlı Qüvvələrimiz Suriya Milli Ordusu ilə birlikdə ölkənin şimalında PKK/YPG və İŞİD terror təşkilatlarına qarşı “Sülh Çeşməsi” hərəkatına başlayıb” açıqlamasından sonra PYD mövqeləri bombardman edilib. Hərəkatın başlaması ilə TSQ Ağcaqala qarşısındakı Təl Abyaddakı terrorçu mövqelərini raket və yüngül silahlarla atəşə tutub. Ardınca quru qoşunları irəliləyib.

Hərəkat çərçivəsində ötən gün axşam saatlarından etibarən top atışları ilə vurulan Təl Abyadda səssizlik hökm sürür.

TSQ və SMO 35 km irəliləyib. Ayn İsa mahalı ətrafındakı Rami Hava Bazası və sursat anbarı ilə Aluk, Mustəl, Əsədiyə, Fender və Huşan kəndlərindəki terrorçu mövqeləri vurulub. Kobaniyə bağlı Zormağar bölgəsindəki PKK/YPG hədəflərinə də atəş açılıb. Bombardmandan sonra quru qoşunları ilk cəbhə olan Təl Abyad – Ras əl Ayn arasındakı 120 kilometrlik bölgəyə tankların müşayiəti ilə girib.

4 ayrı nöqtədən sərhədi keçən əsgərləri tanklar və ağır silahlar müşayiət edib. Qurudan irəliləyən Mehmetçik ilə PKK arasında qarşıdurmalar ara-sıra davam edir. Sərhəd xəttində kəskin silah səsləri eşidilir. Terrorçuların evlərdə pusqular qurması və dinc sakinlərdən dolayı birliklər təmkinli şəkildə irəliləyir.

“Sülh Çeşməsi”nə, hələlik, 40 min əsgər və 20 minə yaxın suriyalı hərbçi qatılıb. Ehtiyac olacağı halda bu say artırılacaq. Bölgəyə əvvəlcədən sızan xüsusi təyinatlılar işarələri ilə hava və qurudan bombardmana rəhbərlik edir.

Zümrüd

Xəbər lenti

DAHA ÇOX XƏBƏR