Alman Xarici İşlər nazirindən kritik Liviya həmləsi: “Tərksilah edilsin”

Liviyanın baş naziri Fayiz es-Sərrac və Almaniyanın xarici işlər naziri Hayko Maas Liviya böhranının həlli ilə bağlı bir görüş keçirib. Sərrac sülhün tərəfdarı olduqlarını və rus muzdlu əsgər qrupu olan Vaqnerin sayının artdığını, sülh üçün ortaq yol tapa bilmədiklərini söyləyib.

Publika.az-ın məlumatına görə, Almaniyanın Berlin Konfransı çərçivəsində baş verən prosesləri yaxından izlədiyini bildirən Hayko Maas Sirte və Cufranın tərksilah edilmiş ərazilərə çevrilməsini təklif etdi.

H.Maas neftlə bağlı bütün addımların Liviya hökuməti tərəfindən təsdiqlənməli olduğunu vurğulayıb.

Sərrac Liviya hökumətinin bir neçə ay əvvəl Moskvada atəşkəsi qəbul etdiyini bildirsə də, Haftar bundan imtina edib.

Avropa İttifaqı tərəfindən həyata keçirilən İrini Əməliyyatına toxunan Sərrac, bu əməliyyatın Haftar əsgərlərinə silah, döyüş vasitələri və muzdlu döyüşçü göndərilməsini təmin edən hava körpüsünün qarşısını ala bilmədiyini qeyd edib. O, qanuni hökumətin atəşkəsə qarşı olmadığını deyib.

Akqabay