Türkiyə ordusu cavab zərbələri endirdi - HƏDƏFLƏR MƏHV EDİLDİ
Bizi izləyin
Aptekonline

Yaxın Şərq

Türkiyə ordusu cavab zərbələri endirdi - HƏDƏFLƏR MƏHV EDİLDİ

Türkiyə ordusu cavab zərbələri endirdi - HƏDƏFLƏR MƏHV EDİLDİ

Suriyanın qərbindən Türkiyənin Kilis vilayətinə raketlərin atılmasından sonra ölkənin Silahlı Qüvvələri YPG (PKK terror təşkilatının Suriya qanadı) terrorçularının mövqelərinə cavab zərbəsi endirib.

Publika.az Anadolu agentliyinə istinadən xəbər verir ki, zərbələr nəticədə 20-dən çox hədəf məhv edilib, xeyli sayda terrorçu öldürülüb.

Qeyd edilir ki, Türkiyə ordusunun cavab zərbəsi ölkənin cənubundakı Kilis əyaləti ərazisinə mərminin düşməsindən dərhal sonra endirilib.

Cavab zərbəsi zamanı yalnız atəş nöqtələrinə deyil, həm də Tel-Rıfatda terrorçuların nəzarəti altında olan hədəflərə zərbələr endirilib.

Qeyd edək ki, daha əvvəl Suriyadan Türkiyənin Kilis vilayətinə raketlər atılıb. YPG/PKK terror təşkilatının işğalı altında olan Tel-Rıfat bölgəsindən iki raket Eski Beşevler məhəlləsində boş əraziyə düşüb. Hadisə zamanı insan tələfatı qeydə alınmayıb, xəsarət alan olmayıb. Raketlər boş əraziyə düşdüyündən əhaliyə ciddi ziyan dəyməyib.

Teqlər
Oxumağa davam et
Reklam
Reklam

Gündəm

Aptekonline