Qətər çempionata ev sahibliyi etmək üçün rekord məbləğdə pul xərcləyib - İNFOQRAFİKA

Bir gün əvvəl Əl-Beyt (Al Bayt) stadionunda keçirilən futbol üzrə dünya çempionatının açılış matçında Qətər Ekvadora 0:2 hesabı ilə yenildi.

Publika.az xəbər verir ki, beləliklə, ölkə ev sahibi ölkələrin startda pozitiv nəticələr əldə etdiyi ənənəni pozmuş oldu.

Qeyri-parlaq başlanğıc olmasına baxmayaraq, Qətər artıq öz aktivində daha bir rekorda imza ata bilər: bu çempionatın təşkili bütün əvvəlkilərdən bir neçə dəfə baha başa gəlir. Qətər rəsmilərinin sözlərinə görə, idman infrastrukturunun tikintisinə çəkilən xərclər də daxil olmaqla, xərclər 200 milyard ABŞ dollarını keçib. Bu rəqəmə metronun, beynəlxalq hava limanının, yeni yolların və hotellərin tikinti xərcləri daxil deyil. Ekspertlərin fikrincə, onlarla birgə xərclər 220 milyard dolları ötür.

Müqayisə üçün qeyd edək ki, əvvəlki rekordsmenlər olan Braziliya və Rusiyanın dünya çempionatı keçirmək üçün xərcləri müvafiq olaraq 15 milyard və 11,6 milyard ABŞ dolları həcmində qiymətləndirilirdi.

Səxavət