Blinkendən İsrailə ismarış: Artıq vaxtı çatıb

İsrail HƏMAS-la mübarizədə hərbi məqsədlərə nail olub və bu səbəbdən də artıq münaqişəyə son qoymağın vaxtı çatıb.

Publika.az TASS-a istinadən xəbər verir ki, bu barədə ABŞ dövlət katibi Antoni Blinken bildirib.

“İsrail bəyan edib ki, 7 oktyabr 2023-cü il hücumun qarşısını almaq üçün HƏMAS və oktyabr hücumunu planlaşdırmaqda məsul olan liderlərinin hərbi imkanları tamamilə məhv edilməlidir. İsrail bu məqsədlərə nail oldu. Müharibəyə son qoymağın vaxtı çatıb”, - deyə o vurğulayıb.

Oktyabrın 7-də minlərlə silahlı HƏMAS tərəfdarının Qəzza zolağından İsrail ərazisinə daxil olması ilə Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu açıqlayıb.

İsrailin cavab əməliyyatının məqsədi hücumu dəf etmək, xaricilər də daxil olmaqla 200-dən çox girovu azad etmək və HƏMAS-ı məhv etmək olub. Bu məqsədə çatmaq üçün İsrail əməliyyatın ilk günündən Qəzza zolağına kütləvi raket hücumları həyata keçirib.

Adəm Abbaslı