Yaxın Şərq

Amerikalı generalın PKK terrorçuları ilə görüşü - Suriyada nə planlaşdırılır?

17 Yanvar 2025 13:46

ABŞ Mərkəzi Qüvvələr Komandanlığının (CENTCOM) komandiri general Maykl Erik Kurilanın Suriyada PYD/YPG terror təşkilatının üzvləri ilə görüşdüyü ortaya çıxıb.

Publika.az xəbər verir ki, bu barədə CENTCOM-un açıqlamasında qeyd olunur.

Kurila Suriyaya səfər edib və bölgədəki amerikalı əsgərlərlə yanaşı, “Suriya Demokratik Qüvvələri” adı altında fəaliyyət göstərən PYD/YPG terrorçuları ilə də görüşüb. Rəsmi açıqlamaya görə, bu görüşün məqsədi İŞİD-in yenidən canlanmasına qarşı mübarizə aparmaqdır.

Kurila Suriyanın şimal-şərqində yerləşən 40 mindən çox insanın olduğu düşərgələrə də baş çəkib. Bu düşərgələrdə qalan insanarın İŞİD-lə bağlantısının olduğu deyilir. Bununla yanaşı, amerikalı general İŞİD-ə qoşulmuş və həbs edilmiş 50 ölkədən 9 mindən çox məhbusun qaldığı həbsxanaları da ziyarət edib. Kurilan bildirib ki, İŞİD-in həbs edilən əcnəbi üzvlərinin ölkələrinə qayıdışını təmin etmək məsələsi müzakirə olunur.

Asif