Yaxın Şərq

İran İsraildə ermənilərin məhəlləsini vurdu: Niyə sevinirlər?

16 İyun 2025 12:42

İran ötən gecə İsrail ərazisinə hücumlarını davam etdirib.

Publika.az xəbər verir ki, hədəflərdən biri Petah Tikvada erməni əhalisinin çox olduğu məhəllə olub.

Bu barədə “Hraparak”a İsrail Erməniləri İttifaqının prezidenti Artyom Çernamoryan məlumat verib.

"Son məlumatlara görə, İranın zərbəsi nəticəsində 4 nəfər ölüb, 20-dən çox insan yaralanıb. Bu rəqəm dəyişə bilər", - Çernamoryan deyib.

O, həmçinin xəbər verib ki, ermənilər arasında itki və xəsarət alan olmayıb. Eyni zamanda, Çernamoryan bəzi ermənilərin münasibəti ilə bağlı çaşqınlığını ifadə edib, onun sözlərinə görə, İran və İsrail arasında toqquşmalardan ruhlanan ermənilər var.

“Təəccüb etmək olar ki, bəzi ermənilər niyə bu qarşıdurmaya seviniblər, axı hər iki ölkədə ermənilər var, hər iki ölkə bizim üçün önəmlidir”, - deyə Artyom yekunlaşıdırb.

Tural