Ermənilərin Fransa fiaskosu

“Fransada keçirilən seçkilərin əvvəlki seçkilərdən əsas fərqi hazırkı daxili iqtisadi vəziyyətlə bağlıdır. Bundan əlavə Rusiya Ukrayna müharibəsinin də Fransa seçkilərinə təsiri var”.

Bunu Publika.az-a açıqlamasında politoloq Məhəmməd Əsədullazadə deyib.

src="/storage/files/upload/bb063cae3a97d990bde318e02966ac3881c54835.jpg" style="width: 369px; height: 218.94px;" class="fr-fic fr-dib fr-fil">

Politoloq bildirib ki, Makronun fəal xarici siyasəti müəyyən qədər ona uğur gətirir: “Bundan əlavə iqtisadi böhran, pandemiyanın ölkə iqtisadiyyatına vurduğu müəyyən zərbələr nəticəsində artıq əhalini xarici siyasət bir o qədər maraqlandırmır. Buna baxmayaraq Ukrayna müharibəsi seçkilərə təsir edir. Le Pen Rusiyapərstdir və onun seçilməsi hazırkı məqamda mümkün görünmür. Əhali məhz xarici siyasətdə tutduğu mövqeyinə görə ona səs verməyəcəklər. Ona görə də Makronun bu seçkilərdə qələbə əldə etmək şansı yüksəkdir”.

M.Əsədullazadə qeyd edib ki, Fransa seçkilərinə ermeni lobbisinin də təsirləri olur: “Lakin bu dəfə lobbinin dəstək verdiyi namizədlər uğur qazana bilmədilər. Hesab edirəm ki, artıq növbəti prezident seçkilərinə qədər erməni lobbisinin hakimiyyətə təsiri aşağı səviyyədə olacaq. Azərbaycan mütləq şəkildə bundan istifadə etməlidir. Görünən mənzərə isə onu deyir ki, bu seçkilərdə erməni lobbisi Makronu ciddi dəstəkləmədi”.