Sığorta sahəsində maarifləndirmə gücləndirilməlidir - EKSPERT

“Cənab Prezident sığorta ilə bağlı xüsusi tapşırıqlar verdi ki, insanlar arasında maarifləndirmə işləri aparılsın, onlara sığorta haqqında məlumat verilsin”.

Bu fikirləri Publika.az-a Prezidentin 2019-cu ilin yekunlarına həsr olunmuş müşavirədə yekun nitqinə münasibət bildirərkən sığorta üzrə ekspert Kamran Babayev səsləndirib.

Ekspert bildirib ki, heç kim bilmədiyi, məlumatı olmayan nəyəsə pul xərcləmək istəmir: “Əlbəttə ki, burada xüsusi yük sığorta şirkətlərinin üzərinə düşür. İcbari Sığorta Bürosu, sığorta şirkətləri və bazara nəzarət edən orqan maarifləndirmə işlərini birgə aparmalıdır. “İcbari sığortalar haqqında” qanun ləğv edilməyib və buna görə də qanun daşınmaz əmlakın icbari sığortasını tələb edir. Sığorta bazarının inkişafı ilə bağlı 2019-cu ildə təsdiqlənmiş tədbirlər planı var. Həmin planda maarifləndirmə işlərinə xüsusi yer ayrılıb. Bu məqsədlə fərqli metodlardan istifadə ediləcək. Videoçarxlar bu baxımdan effektiv ola bilər. Maarifləndirmə işləri elə səviyyədə təşkil olunmalıdır ki, insanları sığortaya cəlb etmək mümkün olsun”.

Tağı Həsənov