Prezident şəxsi nümunəsində bunu bir daha göstərdi - Elçin Şıxlı

“Prezident İlham Əliyev tapşırdığı işlərin icrasına şəxsən nəzarət edir”.

Bu sözləri Publika.az-a açıqlamasında Azərbaycan Jurnalistlər Birliyinin sədri Elçin Şıxlı deyib.

E.Şıxlı qeyd edib ki, ölkə başçısının koronavirus təhlükəsinin olduğu bir dövrdə regionlara səfər etməsi təqdirəlayiqdir: “Virusa görə ölkə işləri dayandıra bilməz. Prezident də vəziyyəti çox gözəl anlayır. İş getməlidir, həyat davam edir. İlham Əliyev bu şüar altında öz fəaliyyətini davam etdirir”.

Azərbaycan Jurnalistlər Birliyinin sədri ölkə başçısının məmurlara iradından da danışıb: “İnsanlar anlamalıdırlar ki, Prezident özü birbaşa onlarla ünsiyyətdə olmaq istəyir. Yəni icra başçısı yanında onlar özlərini nisbətən narahat hiss edirlər. İlham Əliyev səfərləri ilə göstərdi ki, məmur tapşırıq və vəzifə yerinə yetirən şəxsdir. Və onlara tapşırılan işləri icra etməlidir. Hətta valideyn öz övladını tərbiyə edən zaman ona sadəcə söz deyirsə, əyani misal və nümunə göstərmirsə, övladı onu bir o qədər də ciddiyə almır. Prezident şəxsi nümunəsində göstərdi ki, verilən tapşırıqları düzgün şəkildə yerinə yetirmək lazımdır. Ölkə başçısı qeyd etdi ki, mənə də adi stul verin, amma işlərinizi düzgün qurun. Xüsusilə bildirdi ki, o da xalqdan biridir”.

Tağı Həsənov