"Bunlar atalı-babalı faşizmin elementləridir" - Fazil Mustafa

"Paşinyanın babasının faşist ordusunda xidmət etməsi ilə bağlı yayılan sənədlər onların hansı xislətdən gəldiyinin əyani sübutudur".

Bunu Publika.az-a açıqlamasında deputat Fazil Mustafa deyib. Deputat məsələnin diqqət mərkəzində saxlanılmasının vacibliyini qeyd edib:

"Paşinyanın eyni adı daşıyan babasının 1943-cü ildə Qaregin Njdenin legionunda Almaniya cəbhəsində vuruşması ilə bağlı yayılan sənədlər bizim həmişə səsləndirdiyimiz Ermənistan liderlərinin faşist xislətli olması fikrinin sübutudur. Biz bu məsələni ictimailəşdirməli, beynəlxalq aləmdə diqqət mərkəzində saxlamalıyıq. Bu, bizim üçün çox faydalı bir faktdır.

Ermənistanın faşizmə meyilliliyi səbəbsiz deyil. Ölkənin başında duranların da məhz bu mənbədən qidalandığı sübut kimi ortaya qoyulub. Bu baxımdan da biz məlum faktı doğru istifadə etməli, təbliğatı sistemli aparmalıyıq. Göstərməliyik ki, bunlar atalı-babalı faşizmin elementləridir. Onlardan həm bölgənin, həm də dünyanın qorunması zəruridir".

Məhərrəm Əliyev