Deputat dəstək aksiyalarından danışdı: "Qürur hissi doğurur..."

"Ermənistanın Tovuz bölgəsi istiqamətindən Azərbaycana hərbi provokasiyası zamanı xaricdə yaşayan həmvətənlərimizin müstəqilliyimizi yüksək səviyyədə dəstəkləməsi xalqımızın diqqətini çəkdi".

Publika.az xəbər verir ki, bunu Yeni Azərbaycan Partiyasının (YAP) Siyasi Şurasının üzvü, Milli Məclisin deputatı Aydın Mirzəzadə deyib.

O bildiirb ki, dəyərli həmvətənlərimizin daha çox ölkədə, daha çox insan izdihamı ilə doğma vətəni müdafiə etmələri, yaşadıqları ölkə icitimaiyyətini Ermənistanın məkrli siyasəti barədə məlumatlandırmaqları hər birimizdə qürur hissi doğurur:

"Diaspor nümayəndələrimiz yaşadıqları ölkənin layiqli vətəndaşları olmaqla yanaşı Azərbaycana bağlılıqlarını da çox bariz nümayiş etdirdilər. Nümüayişçilərin içərisində çox sayda gənclərimiz var idi, onların Azərbaycanı müdafiə etməyi özlərinə bir şərəf və mənəvi borc bildikləri açıq görünürdü. Var olun, əziz bacı və qardaşlarımız, əziz gənclərimiz. Sizlərlə fəxr edrik, sizlər adımız və qürurumuzsunuz.