Bütün dünyada erməni təbliğatının iflası prosesi baş verir - Rəşad Məcid

“Hazırda bütün dünyada erməni təbliğatının iflası prosesi baş verir. Artıq erməni yalanlarına, xülyalarına uyan bir çox insanlar var ki, onlar da əslində, həqiqətin harada olduğunu görürlər”.

Bu sözləri Publika.az-a açıqlamasında “525-ci qəzet”in baş redaktoru Rəşad Məcid deyib.

O qeyd edib ki, son vaxtlarda gənclərimizin xüsusi fəallığı münasibətin xeyli dərəcədə dəyişməsinə səbəb olub: “Ermənilər özlərini həmişə bu cür aparıblar. Onlar dünya mediasını neçə illərdir aldatdığı kimi, indi də öz yazıq obrazlarını göstərib onların birtərəfli münasibət göstərməsini gözləyirlər. Amma son vaxtlar haqqın bizim tərəfimizdə olmasına görə bir qədər normal, neytral şəxslər, media orqanları obyektiv informasiyaları verməyə məcburdur.

Fransanın TF1 kanalı, “New York Times” nəşri və digər televiziyalarda, mətbu orqanlarda Azərbaycanla bağlı həqiqəti əks etdirən yazılar erməniləri qəzəbləndirir, onlar bunları görüb coşub-daşırlar. Ancaq məncə, bu, onların son çırpıntılarıdır. Əslində, bütün dünya hazırda ermənilərin mahiyyətini görməkdə və tanımaqdadır”.

Akqabay Mıradov