Nida Təhlil
Bu, Azərbaycana iqtisadi dividend gətirəcək - RƏY
“İmzalanan sənəddə ən maraqlı bəndlərdən biri Naxçıvanla Azərbaycanın qərb hissəsinin arasında olan kommunikasiyaların açılması məsələsidir”.
Publika.az xəbər verir ki, bunu üçtərəfli bəyanata əsasən, Azərbaycanın Naxçıvanla quru yol əlaqəsinin yaranmasının ölkə iqtisadiyyatı üçün əhəmiyyəti barədə fikirlərini bölüşən iqtisadçı Natiq Cəfərli deyib.
O bildirib ki, bu yolun texniki tərəfləri, marşrutu, təhlükəsizlik, keçidlə bağlı qaydaları tam məlum olmasa da, yaxın günlərdə danışıqlar prosesinin əsas predmetlərindən biri məhz bu dəhlizin, kommunikasiya xətlərinin açılmasıdır: “Burada söhbət həm dəmir yolu, avtomobil yolu, həm də qaz boru kəmərlərinin olmasından gedir. Bu yol 90-cı illərin əvvəllərindən iqtisadi blokada şəraitində yaşayan Naxçıvan üçün kifayət qədər pozitiv məsələdir. Azərbaycan Naxçıvan bölgəsinin təminatı üçün daha başqa ölkələrin ərazisindən istifadə etməyəcək, yəni asılılığımız azalacaq. Bu, çox vacibdir”.
Türkiyənin Orta Asiya ölkələri ilə ticarəti Azərbaycan üzərindən etdiyini diqqətə çatdıran N.Cəfərli qeyd edib ki, daha çox Gürcüstan tərəfdən yüklərin daşınması baş verirdi: “Ancaq bu yolun təhlükəsiz şəkildə fəaliyyəti Türkiyə ilə Orta Asiya arasındakı ticarətin sürətini artıracaq və loqistika qiyməti ucuzlaşacaq. Çünki Azərbaycandan keçmək şərtilə Gürcüstan ərazisindən Orta Asiyaya yükdaşımalar baha başa gəlirdi. Ona görə ki, yol uzun idi. İndi isə qısalacaq və ucuz marşrut xətlərinin açılmasına səbəb olacaq. Bu da Naxçıvan iqtisadiyyatına əlavə gəlir gətirəcək. Söhbət təkcə tranzit xərclərindən getmir, həm yükdaşıma şirkətlərinin Naxçıvan, Azərbaycan ərazisində xərclədiyi vəsaitdən, həm də Bakı limanının yükdaşımalarının artması nəticəsində əlavə gəlirlərdən gedir. Bu yol həm Naxçıvan, həm də ümumilikdə Azərbaycan üçün kifayət qədər iqtisadi divident gətirəcək”.
Cəfərli onu da vurğulayıb ki, Naxçıvanla Azərbaycan arasındakı dəhlizin açılması İranın Naxçıvanla sərhəd bölgələrindən yüklərin daşınmasını da asanlaşdıracaq: “Çox güman ki, bununla bağlı İranla da hansısa müqavilələr imzalanacaq. Bu, İrana da əlavə dividentlər gətirəcək bir yoldur”.
Şamo Emin
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR