• USD 1,7000 0,00% EUR 2,0695 0,00%
    • GBP 2,3318 0,00% RUB 0,0230 0,00%

MİA-nın nizamnaməsi mediamızın yeni “Yol xəritəsi”dir – Baş redaktor

MİA-nın nizamnaməsi mediamızın yeni “Yol xəritəsi”dir – Baş redaktor

“Hesab edirəm ki, Prezident İlham Əliyevin müvafiq fərmanı ilə 10 ildən artıq fəaliyyət göstərən Kütləvi İnformasiya Vasitələrinin İnkişafına Dövlət Dəstəyi Fondunun bazasında daha geniş səlahiyyət və imkanlara malik Medianın İnkişafı Agentliyinin yaradılması dövlətimizin mətbuat sahəsinə diqqətinin növbəti əyani təzahürüdür. Agentliyin nizamnaməsində əksini tapan müddəaları mediamızın qarşıdakı illərdə yeni “Yol xəritəsi” də adlandıra bilərik”.

Bunu Publika.az-a açıqlamasında “Həftə içi” qəzetinin baş redaktoru Sevinc Seyidova deyib. Baş redaktor bildirib ki, agentliyin fəaliyyət istiqamətləri ilə bağlı print media üçün diqqətçəkən ən vacib məqamlardan biri abunə və satışın təşkilində dəstək məsələsidir:

“Hazırda çap mediasının üzləşdiyi əsas problemlər sırasında abunə və satış mühüm yer tutur. Artıq dövlət başçısının təsdiqlədiyi fərmana əsasən, bir çox məsələ ilə yanaşı, bu problemlərin həlli istiqamətində də qurum öz dəstəyini göstərəcək. Mətbuatın iqtisadi müstəqilliyinin təmininin təşkili də diqqətəlayiqdir. Yeni yaradılan qurumun həm də onlayn mediaya dəstək verməsinin nəzərdə tutulması bu sahədə mövcud çatışmazlıq və problemlərin həllində mühüm rol oynayacaq”.

Sevinc Seyidovanın fikrincə, hazırda çap mediasının onlayn formatlarının fəaliyyətinin təkmilləşdirilməsinə ciddi ehtiyac var. Baş redaktor hesab edir ki, müasir trendlərin tətbiqi ilə mətbuat orqanının həm print, həm də onlayn versiyasının qarşılıqlı fəaliyyətdə inkişafı, yeni yanaşmaların tətbiqi, modern innovasiyalardan geniş istifadə imkanlarının yaradılması media sahəsinin yeni inkişaf mərhələsinə qalxmasına təkan verəcək:

“Medianın İnkişafı Agentliyinin yaradılması ilə bütün bu işlər artıq xaotik deyil, nizamlı və planlı şəkildə, müəyyənləşdirilmiş konkret məqsədə doğru addımlamaqla həyata keçiriləcək”.

Tural Turan

Halal Nemət

Xəbər lenti

DAHA ÇOX XƏBƏR