Nida Təhlil
NATO ilə əməkdaşlığımızı yüksək qiymətləndirirəm - RƏY
“NATO ilə əməkdaşlığı son dərəcə yüksək qiymətləndirirəm. Azərbaycan 1994-cü ildə NATO-nun “Sülh Naminə Tərəfdaşlıq” Proqramına qoşulduqdan sonra tərəflər arasında ən yüksək səviyyədə siyasi dialoq mühiti formalaşdırılıb. Ölkəmiz “Sülh Naminə Tərəfdaşlıq” Proqramının prinsiplərinə uyğun olaraq öz milli maraqları üçün əhəmiyyət kəsb edən bütün məsələlər üzrə NATO ilə əməkdaşlıq edir”.
Bunu Publika.az-a açıqlamasında Milli Məclisin deputatı Nəsib Məhəməliyev deyib. Millət vəkili bildirib ki, qurumla müxtəlif formatlarda - regional təhlükəsizlik, Qarabağ məsələsi, beynəlxalq terrorçuluqla mübarizə, Əfqanıstanda sülhün təmin olunması, NATO-nun keçirdiyi əməliyyatlarda iştirak və s. bir çox aktual problemlərlə bağlı müzakirələr aparılır:
“Fərdi tərəfdaşlıq və əməliyyat planına uyğun olaraq Azərbaycanın müdafiə və təhlükəsizlik sistemində islahatlar, Silahlı Qüvvələrin NATO standartlarına uyğunlaşdırılması, enerji təhlükəsizliyi, fövqəladə hallara hazırlıq, ətraf mühitin mühafizəsi sahələrində də əməkdaşlıq aparılır. NATO müasir dünyada ən güclü hərbi-siyasi beynəlxalq təşkilatdır. Bu baxımdan Azərbaycanın NATO üzvü olan və bir sıra tərəfdaş dövlətlər tərəfindən təşkil olunan təlimlərdə, kurslarda, konfranslarda yaxından iştirak etməsi xüsusi əhəmiyyət kəsb edir”.
Deputatın sözlərinə görə, Azərbaycan Ordusu son illərin beynəlxalq hesabatlarında dünyanın 50 ən güclü ordusu siyahısında müntəzəm olaraq yer alırdı:
“44 günlük Vətən müharibəsində isə bir çox ölkələrin dəstək verdiyi “məğlubedilməz erməni ordusu”nu darmadağın etməsi ordumuzun gücünün real göstəricisi oldu. ABŞ Dövlət katibinin Prezident İlham Əliyevlə telefon söhbətində Azərbaycanın Əfqanıstanda sülhməramlı əməliyyatlarda iştirakını yüksək qiymətləndirməsi ordumuzun ən müasir NATO standartlarına cavab verməsinin etirafı idi. Amerika dərk edir ki, Cənubi Qafqazda yaranmış yeni reallıqlar nəticəsində regionun təhlükəsizliyini təmin etmək üçün NATO-nun ən güclü 2-ci ordusu hesab olunan Türkiyə Ordusu ilə Azərbaycan Ordusunun olması son dərəcə əhəmiyyətlidir. Hesab edirəm ki, alyansın Cənub-Şərq flanqının etibarlı şəkildə qorunması iki qardaş ölkənin ordularının daha da yaxın əməkdaşlığından keçir”.
Nəsib Məhəməliyev bildirib ki, NATO ilə gələcək əməkdaşlıq imkanlarına gəldikdə, mövcud format davam etdirilməlidir:
“Ulu öndər Heydər Əliyevin əsasını qoyduğu, Prezident İlham Əliyevin uğurla davam etdirdiyi balanslaşdırılmış xarici siyasətə üstünlük verməliyik. Yalnız bu siyasət Azərbaycan xalqının maraqlarına tam cavab verməklə beynəlxalq təhlükəsizlik sistemində öz layiqli yerini tutur”.
Tural Turan
-
Maraq dünyası13:35
Dünyanın ən gənc və ürəyi boş milyarderi: Bu müəmmalı şəxs niyə hamıdan gizlənir?
-
Hadisə13:01
Cavanşir Məmmədov vəfat etdi
-
Hadisə12:30
Maşınlarını tıxacda saxlayıb dalaşdılar - VİDEO
-
Sosial11:55
Əli Əsədov qərar imzaladı
-
Sosial11:25
Ömrü yarıda, pulu havada qalanlar: Pensiya kapitalı varislərə qaytarıla bilər?
-
Hadisə11:10
Azərbaycanın əməkdar artisti vəfat etdi - FOTO
-
Müsahibə10:15
Diplomu 175 ölkədə tanınan azərbaycanlı: İki illik proses 40 gündə bitdi
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar