Azərbaycanın anti-terror əməliyyatı keçirməsi labüddür - Deputat
Bizi izləyin

Nida Təhlil

Azərbaycanın anti-terror əməliyyatı keçirməsi labüddür - Deputat

“Prezident İlham Əliyev Kəlbəcər və Laçına səfəri zamanı çox dəyərli mesajlar verdi. Bu gün Ermənistan dövlətinin yerləşdiyi ərazi tarixi Azərbaycan torpağıdır”.

Bunu Publika.az-a açıqlamasında millət vəkili Elman Məmmədov deyib.

Deputat vurğulayıb ki, Qərbi Zəngəzur, Basakeçər və digər ərazilər də bizim torpaqlarımızdır: “Prezident İlham Əliyev də qeyd etdi ki, biz harada lazımdırsa, orada da dayanırıq. Ermənilər özlərini yığışdırmalıdırlar. Onlar 100 il əvvəl işğal etdikləri torpaqlarla kifayətlənməsə, Azərbaycan Ordusu onlara sərt cavab verəcək. Həmin ərazilərlin adlarıyla bağlı İlham Əliyev çox ciddi mesajlar verdi və bildirdi ki, biz öz ərazimizdəyik. Bizim heç kəsin torpağında gözümüz yoxdur, sadəcə öz sərhəddimizi bərpa etmişik. Ermənistan tərəfi olanlardan nəticə çıxarmalı və təxribatlardan əl çəkməlidir”.

E.Məmmədov qeyd edib ki, anti-terror əməliyyatının keçirilməsi labüddür: “Azərbaycan ərazisində separatçı qurum hələ də mövcudluğunu davam etdirir. Həmin terrorçu dəstələr ərazimizdən tam çıxarılmayıb. 10 noyabr üçtərəfli razılaşmaya əsasən ermənilərin çıxarılması rus sülhməramlılarının öhdəliyində idi, ancaq hələ də vəzifələrini tam yerinə yetirməyiblər. Sülhməramlıların gözü qarşısında erməni dəstələri təxribatlar törədir. Onlar bu regionda sabitliyi pozurlar və bu bizim üçün təhlükədir. Azərbaycan beynəlxalq hüquqa və öz konstitusiyasına uyğun olaraq ərazisində olan silahlı birləşmələrə qarşı anti-terror əməliyyatı keçirə bilər”.

Rahib Ələsgərov

Oxumağa davam et
Reklam
Reklam

Gündəm