Kazımiyə sui-qəsd cəhdində adı keçən şəxslər - Ağar AÇIQLADI

İraqın Baş naziri Mustafa əl-Kazımiyə edilən sui-qəsd cəhdi ölkəni ələ almaq, parçalamaq üçün güc və maraqlar uğrunda mübarizəni özündə ehtiva edir.

Publika.az xəbər verir ki, bu sözləri terror və təhlükəsizlik üzrə ekspert Abdullah Ağar deyib.

O bildirib ki, Bağdad təkcə İraqın deyil, həm də intriqa və fitnələrin paytaxtıdır: "İraqdakı seçkilərdən sonra gərginlik və sui-qəsd cəhdləri hər keçən gün daha da artaraq bu həddə çatıb. İran tərəfindən dəstəklənən Həşdi-Şabi siyasi qanadı böyük bir güc itkisinə məruz qaldığı halda, son dərəcə gərgindir, daha böyük pay almaq istəyir, qarışıqlıq, qeyri-sabitlik və hədə-qorxu yaradır. Sui-qəsddən az əvvəl Kazımini hədələdikləri üçün oxlar Əshab-ül Ehlül Hək və onların lideri Kays Hazali, Fəth lideri Hadi əl-Amiri və Əbu Ala əl-Velayiyə işarə edir. Lakin onların təhdidləri bir fürsətdir, bunu görən başqaları da sui-qəsdi qeyd etdiyim şəxslərdən şübhəli biləcəklərini güman edərək törədə bilər".

A.Ağar qeyd edib ki, İŞİD-in artan təsiri yeni müdaxilələr və təsirlər üçün əsas yaradır: "Digər tərəfdən, Kərküklə bağlı maraqlı razılaşmalar əldə edilir. Beləliklə, yeni bir "bir daşa beş quş" hekayəsi ortaya çıxır. İraq vətəndaş müharibələrinin, dini, məzhəb, siyasi, etnik əməliyyatların həyata keçirildiyi ölkədir. Digər tərəfdən, sui-qəsd mövsümü Bağdadda deyil, Süleymaniyyədə başladı".

Akqabay