Nida Təhlil
Mediadan KÜÇƏ QEYBƏTİ yığışdırılmalıdır – Ekspert
“Bu gün Azərbaycan mediası təməl meyarlarından xeyli ayrılıb və qurşaqdan aşağı xəbərlər dərc etməklə səviyyəsini aşağı salıb. Media istər dövlət, istərsə də özəl qurumda baş vermiş hansısa hadisə və ya cəmiyyəti məşğul edən proseslərlə bağlı savadlı, ağıllı və təmkinli yanaşma sərgiləməlidir”.
Bu fikri Publika.az-a açıqlayan media eksperti, əməkdar jurnalist Azər Həsrətin sözlərinə görə, təəssüf ki, ölkə mətbuatında bunun əksi baş verir:
“Bəzən elektron mediamızda "çayxana söhbətləri", “küçə qeybəti” səviyyəsində təqdimatlar müşahidə olunur. Azərbaycanda media azadlığı var, istənilən şəxs özünə jurnalist deyə və istənilən mətbu orqanla, saytla əməkdaşlıq edə bilər. Bu səbəbdən mediada təsadüfi adamların sayı çoxalıb. Belələri “küçə qeybətini” tam çılpaqlığı ilə, cəmiyyətə zərər vuracaq şəkildə təqdim edir. Bunu aradan qaldırmağın bir yolu var: peşəkarlıq yüksəldilməli və media ciddiləşməlidir. Düzdür, ölkədə ciddi media orqanları kifayət qədərdir, amma ümumi keyfiyyət yüksəldilməlidir ki, “küçə qeybətləri” gündəmi zəbt etməsin”.
Bu gün Medianın İnkişafı Agentliyi (MEDİA) media subyektlərinə müraciətində jurnalistikanın əsas norma və prinsiplərinin pozulması ilə bağlı xəbərdarlıq etdi. Azər Həsrət bununla bağlı bildirdi ki, “Media haqqında” yeni qanun agentliyə bəzi səlahiyyətlər verib:
“Bu qanun imkan verir ki, MEDİA Agentliyi mətbuat orqanlarına bu cür xəbərdarlıqlar etsin və zəruri tədbirlər görsün. Qurum bu yöndə ilk addımlarını atmağa başlayıb. Özünə hörmət edən, jurnalist etikası və prinsipləri çərçivəsində fəaliyyət göstərən media qurumu belə bir xəbərdarlığı almağa şərait yaratmamalıdır. Təəssüf ki, keyfiyyəti aşağı, kəmiyyəti yüksək olan, jurnalist peşəsinə bu və ya digər formada zərbə vuran insanların hesabına bütün media təsisatları xəbərdarlığa məruz qalır. Hesab edirəm ki, xəbərdarlığı vecinə almayan, bundan nəticə hasil etməyənlər mətbuatdan getməlidir”.
Rövşən Ziya
-
Magazin202:00
Məşhur reper öpüşmə səhnəsinə görə sevgilisini tərk etdi
-
Qoroskop00:35
Günün qoroskopu: bir sıra mətləblər əyan olacaq
-
Nida Xəbər 1 May 23:50
Paşinyan: Mümkün qədər tez...
-
Hadisə1 May 23:26
Qızı evdən qaçan ata efirdə göz yaşı tökdü - VİDEO
-
İqtisadi gündəm1 May 22:50
Dolların qiyməti ilə bağlı QƏRAR
-
Region1 May 22:42
Türkiyə ordusu şəhid verdi
-
İKT1 May 20:50
Telekanallarla bağlı statistika AÇIQLANDI - Ən çox bu verilişlər...
-
Region1 May 20:40
"Xarici agentlər haqqında" qanun layihəsi ikinci oxunuşda qəbul edildi