Ukrayna münaqişəsi Bakıda həll olunacaq: Türkiyə Putinin səfərinin detallarını açıqladı

Qərbin anti-Rusiya sanksiyalarının ləğvi Ukrayna münaqişəsi ilə bağlı sülh sazişinin bəndlərindən birinə çevrilə bilər, çünki bu mövzu 2022-ci ildə İstanbulda danışıqlar zamanı artıq müzakirə olunub.

Publika.az "RİA Novosti"yə istinadən xəbər verir ki, bu fikri türkiyəli analitik Engin Özer deyib.

“Münaqişəyə son qoymaq üçün iki ssenari var. Birinci variant, Koreya müharibəsində olduğu kimi, qeyri-müəyyən atəşkəslə başa çatacaq və tərəflər nəzarət etdikləri ərazilərdə təsir imkanlarını saxlayacaqlar. Belə olan halda yalnız atəşkəs razılaşması əldə oluna bilər. İkinci variant tərəflərin ərazi bütövlüyünü tanıyan və beynəlxalq səviyyədə tanınmasını təmin edən sülh sazişidir”, - ekspert bildirib.

Özer əlavə edib ki, münaqişənin dondurulması ssenarisini təsvir edən birinci modeldə Rusiyaya qarşı sanksiyaların ləğvi “mümkün olmayacaq, çünki heç bir sülh razılaşması yoxdur”. İkinci modeldə isə sülh müqaviləsinin bəndlərindən biri “Rusiyaya qarşı artıq İstanbul müqaviləsinə daxil edilmiş məhdudiyyətlərin aradan qaldırılması ola bilər”.

Özer etiraf edib ki, Ukrayna münaqişəsinin həlli üçün Bakıda sülh danışıqları aparıla bilər. O, Türkiyənin Ukrayna üzrə vasitəçiliyinin “artıq gündəmdə olmadığını” əlavə edib və Rusiya prezidenti Vladimir Putinin Azərbaycana səfərini “maraqlı” adlandırıb.

Adəm Abbaslı