Nida Xəbər

Şəhidin xatirə lövhəsi doğulduğu evə vuruldu

9 Dekabr 2021 10:37

Şəhid ailəsinin istəyinə uyğun olaraq Vətən müharibəsi şəhidi Orxan Əlilinin xatirə lövhəsi doğulduğu evə vurulub.

Publika.az xəbər verir ki, bu barədə araşdırmaçı jurnalist Ceyhun Nəbi paylaşım edib. O qeyd edib ki, şəhid Orxan Əlilinin xatirəsi Şəmkir rayonunun Qapanlı kəndində, doğulduğu məkanda əbədiləşdirilib:

"Xatirə lövhəsi doğulduğu evin üzərinə vuruldu. Tural Zeynalov başda olmaqla bu işdə əziyyət çəkən, xoş əməldə mənəvi dəstəyini göstərən insanlara minnətdarlığımızı bildiririk. Qeyd edim ki, şəhid Orxan Əlili Şuşa uğrunda gedən döyüşlərdə qəhrəmancasına şəhidlik məqamına ucalıb. Xatirəsi və uca adı unudulmasın!"