Lukaşenko: “Çörəyi yarıya bölüb arasına bir tikə ət, kartof və kahı qoya bilmirik?”

Belarus Prezidenti Aleksandr Lukaşenko Amerika fast-food brendi "McDonald's"ın Belarus bazarını tərk etdiyinə görə Allaha şükr edib.

Publika.az xəbər verir ki, prezidentin çıxışını "Birinci" teleqram kanalı dərc edib.

Belarus Prezidenti həmyerlilərini öz yeməklərini yeməyə və xaricə tələsməməyə çağırıb. Onun sözlərinə görə, bir çox belaruslar Qərb şirkətinin yerli bazardan çıxması ilə bağlı “nəfəs almağa” və “inləməyə” başladılar. “Mən deyirəm şükr Allaha ki, o buradan ayrıldı. Amma bizim insanlarımızın işlədiyi, mütəxəssislərimizin, mallarımızın istehlak edildiyi "McDonalds"ın yerini belaruslar tutmalıdır, unutmayın, başqa heç kim”, - deyə respublika prezidenti bildirib.

Belarus Prezidenti əmin olduğunu bildirib ki, Amerika fast-food restoranının texnologiyası yerli istehsalçı tərəfindən asanlıqla təkrarlana bilər. “Nədir, bizdə çörəyi yarıya bölüb bu iki yarıya bir tikə ət, kartof və kahı qoya bilmirlər? Ya Rəbb, bunu kimin istehlak etdiyini bilmirəm” - deyə Lukaşenko vurğulayıb.

Səxavət