Nida Xəbər

Kadırov atasının adını daşıyan alay haqda yazdı

7 Dekabr 2022 18:50

Çeçenistanın başçısı Ramzan Kadırov atası, Rusiya Qəhrəmanı Axmat-Xadji Kadırovun adını daşıyan "Sever" alayının əsgərlərinin Ukraynada apardığı döyüş əməliyyatlarının görüntülərini əks etdirən videoçarx nümayiş etdirib.

Publika.az xəbər verir ki, müvafiq video siyasətçinin "Telegram-kanal"ında yayılıb.

“Bir addım da geri çəkilmə” çeçen döyüşçülərinin sevimli ifadəsidir və onları ən yaxşı şəkildə xarakterizə edir. Bizim oğlanlara meydan oxumağa cəsarət edən millətçilər (Ukrayna hərbçilərini nəzərdə tutur) tezliklə bu ideyanın ən yaxşısı olmadığını anladılar. Nəticədə daha bir əks-hücum cəhdi uğursuz alındı”, - Kadırov video ilə bağlı yazıb.

Bundan əlavə, Çeçenistan rəhbəri hələ də müqavimət göstərməyə çalışanlara bir vacib şeyi yadda saxlamağı tövsiyə edib: Rusiya qoşunlarını məğlub etmək və ya onları sıxışdırmaq olmaz. Kadırovun fikrincə, bunu başa düşmək müqavimət göstərənlərin həyatını xilas edə bilər.

Səxavət