Nida Xəbər

Qarabağ danışıqlarının məqsədi bu olmayıb - Paşinyan

3 Dekabr 2025 20:48

İllər boyunca aparılan Qarabağ danışıqlarının məqsədi münaqişəni həll etmək yox, bölgəni geosiyasi tələdə saxlamaq olub.

Publika.az xəbər verir ki, bu barədə Ermənistan Baş naziri Nikol Paşinyan parlamentdə hökumətə ünvanlanan sualları cavablandırarkən bildirib.

N. Paşinyanın sözlərinə görə, irəliləyiş üçün bu reallığın etirafı vacibdir:

“Bu proses əslində Ermənistanı, müəyyən mənada isə Azərbaycanı geosiyasi tələdə saxlamağa xidmət edib. Məqsəd Ermənistanın müstəqil dövlət kimi inkişafına imkan verməmək idi. Bu gün səslənən bəzi “vətənpərvərlik” çağırışları ölkəni yenidən həmin tələyə qaytarmağa yönəlib”.

Qeyd edək ki, Ermənistan hökuməti dekabrın 2-də Qarabağ danışıqlarına dair bir sıra sənədləri ictimaiyyətə açıqlayıb.

(Teleqraf)