Nida Xəbər

Antalyada Azərbaycan-Əlcəzair əlaqələri müzakirə olundu

18 Aprel 2026 17:18

Azərbaycanın xarici işlər naziri Ceyhun Bayramov Antalya Diplomatiya Forumu çərçivəsində Əlcəzairin dövlət naziri, xarici işlər və xaricdəki milli icma və Afrika məsələləri naziri Əhməd Attaf ilə görüşüb.

Publika.az xəbər verir ki, bu barədə Xarici İşlər Nazirliyinin "X" hesabında məlumat yayılıb.

Görüş zamanı ikitərəfli və çoxtərəfli əməkdaşlıq gündəliyi müzakirə olunub.

Ticarət, İqtisadi, Elmi və Texniki Əməkdaşlıq üzrə Birgə Komissiyanın yaradılması ikitərəfli əlaqələrin inkişafında əsas addım kimi qeyd edilib.

BMT, İƏT, Qoşulmama Hərəkatı və digər beynəlxalq təşkilatlar çərçivəsində əməkdaşlıq və qarşılıqlı dəstək, o cümlədən Azərbaycanın AQFETM-ə sədrliyi və gələn il İƏT Zirvə Görüşünə ev sahibliyi etməsi kontekstində müzakirə edilib.

Yaxın Şərqdə gərginliyin azaldılmasının, atəşkəsin gücləndirilməsinin və münaqişələrin diplomatik yollarla həll edilməsinin vacibliyi vurğulanıb.