Qadın

Uzun pencək modelləri

18 Yanvar 2014 14:46

Uzun pencək modelləri bu il yenə də çox fərqli və çox zərif modelləri ilə qadınların stillərini bəzəyəcək. Qışlıq modellər həm rəng, həm də forması ilə ayrı gözəllik sərgiləyir. Yaz-yay modelləri isə əlvanlığı ilə qadınlara özünə olan güvəni artırır. Uzun pencək modeli qadınları eleqant göstərməkdən əlavə, avantaj yaradan geyim üslublarından biridir. 2014-cü ilin uzun pencək modelləri modabazların bütün tələblərinə cavab verəcək.

Bu il vərdiş elədiyimiz uzun pencək modellərinə əlavələr edilib. Məsələn, bel hissədə düymədə bağlanan pencəyin arxa hissəsi getdikcə uzanan və quyruq kimi dayanan yeni model ən gözəl nümunədir. Uzun pencəklər arasında qadınların bəyənəcəyi daha bir model isə boyun, qol və kənarda güpürlərdən istifadə edilməsidir. 2014-cü ilin uzun pencək modelləri böyük rəng çeşidinə malikdir. Dəri ilə daha sanballı görkəmə sahib olan və özəl gecələrdə geyinə biləcəyimiz uzun pencəklərə heyran qalmamaq mümükn deyil. Klassik tərzi davam etdirən uzun qara pencəklər trend olacaq. Və saya bilmədiyimiz bir çox pencək modelləri var. Modanı yaxından izləyən qadınlar özlərini bu modellərdə həqiqətən də həm eleqant, həm də rahat hiss edəcəklər. Onları kombinasiya etmək də çox asandır. Belə ki, istər dəri lasinlər, istərsə də dar cinslərlə uyğunlaşdıra bilərsiniz. Altına ipək köynək geyinməklə daha zərif tərz yarada bilərsiniz. Altına şort geyinməklə isə daha gündəlik stilə sahib olarsınız.

Publika.Az bu il dəbdə olacaq bir neçə uzun pencək modellərini seçib.