Qadınlara xəbərdarlıq: Kişilərə bu sözləri deməyin!

İstənilən münasibət səbir tələb edir. Dünyanın harmoniyasını məhv etmək kifayət qədər asandır. Bəzən güclü emosiyaların təsiri altında deyilən bir-iki cümlə kifayət edir. Bir söz həm şücaətlərə ilham verə, həm də hissləri öldürə bilər. Yadda saxlayın ki, insanın ləyaqətini alçaltsanız, bu işin sonu heç yaxşı olmayacaq. Xüsusilə sevdiyi qadının dediyi tikanlı sözlər kişilərdə dərin izlər buraxır. Buna baxmayaraq, qadın kişini incidibsə, üzr istəməlidir. Konkret hansı hərəkətin belə reaksiyaya səbəb olduğunu izah etmək lazımdır. Kişinin ləyaqət və məziyyətlərini görmək və onu qiymətləndirmək çox vacibdir. Nə üçün? Ona görə ki, bu, kişini uğura aparan ən yaxşı motivasiyadır!

Unutmayın ki, onlar münasibətlərdə həmişə dəqiqliyi və konkretkliyi sevirlər. "Özün təxmin et" seçimi onların məntiqini əhatə etmir.

Publika.az xəbər verir ki, psixoloq, qadın-kişi münasibətləri üzrə mütəxəssis Yana Vlasova qadınlara 6 sözü deməyi qadağan edir.

1. “Cəfəngiyat danışırsan və ağlına gələni edirsən”

Bu cür ifadələrdə heç bir konkretlik yoxdur. Kişi üçün bu o deməkdir ki, bütün əməllərinin, hərəkətlərinin və sözlərinin qadın üçün heç bir dəyəri yoxdur.

Odur ki, qarşı tərəfin qərarlarına hörmət etməlisiniz. Əks halda o, emosional olaraq sizdən uzaqlaşacaq, fikirlərini bölüşməyi dayandıracaq. Hərəkətlərinizi mənfi qiymətləndirəcək ki, bu halda güclü münasibətlər qurmaq mümkün deyil.

2. “Sənə dedim!”

Bu cür ifadələr həm də kişinin əməllərini dəyərdən salır. Onun heç nəyə qadir olmadığı hissi yaradır. Sevdiyi qadının gözündə heysiyyətinin və dəyərinin düşməsi kişi üçün çarəsizlikdir.

Qadın hansı halda bu sözlərdən istifadə edir? Uğursuzluğun məsuliyyətini partnyorunun üzərinə qoyur. Bu ifadədən sonra kişi özünü məsuliyyətsiz hiss edəcək. Unutmayın, hər kəs səhv edir. Birlikdə təhlil etmək və mövcud vəziyyətdən çıxış yolu tapmağa çalışmaq ən yaxşı həll yoludur.

3. “Əgər belə desən və ya etsən, onda mən...”

Bu ifadə insanın birbaşa manipulyasiyası etməkdir. Qadın bu anda təcavüzkara çevrilir, sonra isə qurban roluna düşür. Ancaq unutmayın ki, manipulyasiya çox səmərəsiz, eyni zamanda bir münasibətdə aşağılayıcı bir üsuldur.

Bu cür sözlər ömür-gün yoldaşınıza təzyiq göstərir. Bir şeyi etməyə və ya etməməyə məcbur etsəniz, münasibətlər pozulmağa başlayacaq. Bir-birinizin istəklərinə güzəştə getməyi və hörmət etməyi öyrənin.

4. “Məni sevirsən?”

Bu sual tez-tez verilirsə, zəhlətökən ola bilər. Kişilərin düşüncəsi çox sadədir. Bir dəfə sevdiyini deyibsə və bunu hərəkətlərlə gücləndirirsə (zəng edir, qucaqlayır, çiçək hədiyyə edir, iltifat edir, kömək edir), onda təkrar soruşmaq lazım deyil. Sevməsə, xəbər verəcək, narahat olmayın.

Sevgini göstərməyin bir çox yolu var. Yalnız sözlərə diqqət yetirməyin.

5. “Anan hər şeyi korlayır / bizə müdaxilə edir! Sən də onun kimisən!”

Unutmayın ki, ana insan həyatındakı ən dəyərli varlıqdır. Onunla münasibət qurarkən bunu nəzərə almaq lazımdır. Çox vaxt qadınlar həyat yoldaşlarının anası ilə rəqabətə girirlər ki, bu rəqabət uğursuzluğa məhkumdur.

Anasına qarşı xoş hissləriniz olmasa belə, onu mənfi şəkildə müzakirə etməməlisiniz. Bu, tabudur.

6. “Bu qədər qazana biləcəyinə şübhə edirəm!”

Bu, qurşaqdan aşağı bir zərbədir. Belə sözlərdən sonra insan daha heç nəyə can atmaq istəməyəcək. Niyə? Əvvəlcədən “devalvasiyaya” uğradı. Əgər pediatra ərə getmisinizsə, neft maqnatına çevrilməsini gözləməyin.

Bəzən qadınlar inanır ki, belə bir ifadə kişiyə daha çox qazanmaq üçün təkan verə bilər. Nəticə isə əksinə olacaq. Sağlam və güclü münasibətlər qarşılıqlı dəstək və inam üzərində qurulur.

Aytən