Qarabağ
Ermənistanda mitinqin dağıdılması ondan xəbər verir ki... - Deputat
“Müharibənin bizim qələbəmizlə başa çatması Ermənistan iqtisadiyyatına mənfi təsir göstərib. Nəzərə alsaq ki, Ermənistanda ümumi daxili məhsulda 6 faiz azalma qeydə alınıb, eyni zamanda ölkənin xarici borcu 8 milyard dollardan çoxdur və yalnız 2 milyard dollar civarında rezervləri var”.
Bunu Publika.az-a açıqlamasında millət vəkili Vüqar Bayramov deyib.
Onun sözlərinə görə, bu gün Ermənistanın xarici borcu ölkənin ümumi daxili məhsuldakı payından 70 faiz çoxdur: “Ermənistan bölgədə ən çox borc asılılığında olan ölkədir. Bir müddət öncə erməni parlamenti tərəfindən 2020-ci il Ermənistan dövlət büdcəsinə baxılması və dəyişikliklər edilərək xarici borc limitinin artırılması da ondan xəbər verir ki, işğalçı ölkə daha böyük xarici borclanmaya getmək niyyətindədir. Savaş başladıqdan sonra dünyanın aparıcı qiymətləndirmə agentliyi olan “Fitch Ratings” Ermənistanın kredit rezervlərinin azaldılması ilə bağlı qərar qəbul edib. Praktiki olaraq Ermənistan post-müharibə dövrünə tənəzzülə uğramış iqtisadiyyatla daxil oldu”.
V.Bayramov qeyd edib ki, üçtərəfli razılaşmadan sonra Ermənistanın daxilində kifayət qədər ciddi narazılıqlar var və müxalif siyasi partiyalar tərəfindən mitinqlər keçirilir: “Mitinqin dağıdılması ondan xəbər verir ki, cəmiyyətdəki ziddiyyət daha da artır. Bir tərəfdən iqtisadiyyat zəifdir, tənəzzül davam edir, digər tərəfdən isə ölkədə siyasi çöküş müşahidə olunur. Bu da Ermənistanda post-müharibə və digər dövrlərdə iqtisadi tənəzzülün dərinləşəcəyindən xəbər verir”.
Deputat vurğulayıb ki, erməni lobbisinin, xüsusilə də Ermənistanda fəxri formanı diktə etməyə çalışan lobbinin bundan sonrakı mövqeyində dəyişikliyin olacağı gözlənilir: “Nəzərə alsaq ki, lobbi əslində Ermənistanı əvvəlki dövrlərdə savaşa hazır etdiyini düşünürdü və vəsaitlər ayırırdı. Amma müharibə göstərdi ki, Ermənistan ordusu Azərbaycan Ordusu qarşısında tab gətirə bilmədi və 44 gün ərzində biz qələbə əldə etdik. Ona görə də Ermənistan hakimiyyəti ilə lobbi arasında, eyni zamanda daxildə vəziyyət getdikcə dərinləşəcək. Bu da nəticə etibarilə post-müharibə dövründə erməni iqtisadiyyatının tənəzzülündən xəbər verir”.
Akqabay Mıradov
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama
-
Magazin117 Aprel 20:58
İş adamı Manaf Ağayevə ev bağışlayıb? - Özü danışdı
-
Nəqliyyat17 Aprel 19:40
Baş nazir elektrik mühərrikli avtomobillərlə bağlı iclas keçirdi - FOTO