Erməni general ordusunun məğlubiyyətinin sirrini açdı - "Osa" və "Tor" sistemlərini...

Ermənistan ordusunun Su-30-a ehtiyacı yox idi.

Publika.az xəbər verir ki, bu sözləri Ermənistan baş qərargahının sabiq rəisi Movses Akopyan deyib.

O, Ermənistanın ali rəhbərliyinin yol verdiyi ölümcül səhvlərdən danışıb. Bildirib ki, o, dəfələrlə ölkənin hərbi-siyasi rəhbərliyini Su-30 SM qırıcılarını almaqdan çəkindirib, lakin onu dinləməyiblər.

“Hələ 2016-cı ildə Ermənistanda bu təyyarələrin alınması ehtimalı müzakirə olunurdu. Əvvəl "Tor" hava hücumundan müdafiə raket sisteminin bir neçə hissəsinin alınması planlaşdırılırdı, lakin bir neçə kompleksin alınmasından sonra "Tor"a ayrılan pulun qalan hissəsinə Su-30SM-in alınmasına qərar verildi".

Onun sözlərinə görə, baş nazirlə görüşdə şəxsən ona bu silahların alınmasının cinayət addımı olduğunu söyləyib. Amma baş nazir qərarın artıq verildiyini, müqavilənin imzalandığını bildirib.

Sabiq rəis qeyd edib ki, sazişin müəllifləri Su-30SM üçün silahların, xüsusən havadan-havaya raketlərinin başqa ölkələrə satıla bilməyəcəyinə dair Rusiya qanunvericiliyini oxumayıb.

Akopyan "Osa" hava müdafiə sistemi mövzusunu da gündəmə gətirib: "Mən silahlı qüvvələrin baş qərargahının rəisi olanda davamlı olaraq məni "Osa" almağa məcbur etməyə çalışdılar. İçəridən kimsə davamlı olaraq Ermənistan xaricindəki hərəkətlərim barədə məlumat sızdırdı. Silah satıcıları məni Ermənistan ordusu üçün lazımsız "Osa" hava hücumundan müdafiə raket sistemini almağa inandırmağa çalışdılar".

Zümrüd