Bu, infrastrukturun bərpası üçün təminat maşınıdır - Polkovnik

“Azərbaycan Müdafiə Nazirliyi Hərbi Polisinin sülhməramlı qüvvələri müşayiət etməsini müsbət qiymətləndirirəm. Çünki Rusiya sülhməramlı qüvvələrinin fəaliyyəti Azərbaycanın ərazisində keçirilir”.

Publika.az xəbər verir ki, bunu noyabrın 28-də Rusiyadan ölkəmizə dəmir yolu vasitəsilə daxil olan hərbi qulluqçuların, avtomobil və xüsusi texnika, o cümlədən digər maddi-texniki təminat vasitələrinin Azərbaycan Müdafiə Nazirliyi Hərbi Polisinin müşayiəti altında Xankəndinə çatdırılmasına münasibətini ifadə edən ehtiyatda olan polkovnik Şair Ramaldanov qeyd edib.

O bildirib ki, bəzən sülhməramlıların burada fəaliyyəti ilə bağlı suallar ortaya çıxır: “Bu yüklərin məhz Azərbaycan ərazisində daşınması iki dövət arasında olan razılaşmaya əsasən dəmiryolu vasitəsilə olub. Onlar indi nə gətirsə də, tiksə də, hansı avadanlıqdan istifadə etsə də, biz bir şeyi bilməliyik ki, bütün bu işlər Azərbaycan ərazisində aparılır”.

“Bəyanatda deyildiyi kimi, Rusiya sülhməramlı qüvvələri 5 illik nəzərdə tutulub. İndi hələlik özləri nəzarət etdikləri ərazilərdə hansısa bərpa işləri aparırsa, yaxud infrastrukturu bərpa edirsə, biz belə yanaşmalıyıq ki, bütün işlər Azərbaycan ərazisində aparılır. Bu, iş prosesidir. Bilirsiniz ki, hərbi yönlü yüklər daha çox Ermənistandan daşınırdı. Buradan aparılan yüklər isə infrastrukturun bərpası üçün təminat maşınlarıdır”, - deyə polkovnik əlavə edib.

Şamo Emin