Qarabağ
Politoloq - Niderlandın müstəmləkə siyasətinin acı nəticələrini görmüşük
“Təəssüf edirik ki, Niderland parlamentində reallığa uyğun olmayan tövsiyə xarakterli anti-Azərbaycan qətnamə layihəsi hökumətə təqdim edilib. Amma bu, Niderland parlamentinin mövqeyi deyil, daha çox ermənipərəst qüvvələrin maraqlarından çıxış etməsinin nəticəsidir. Eyni zamanda bəzi siyasi partiyalar xristian həmrəyliyi adı altında ermənilərə həmrəyliyini nümayiş etdirib. Fransadan fərqli olaraq qondarma Qarabağ Respublikasının tanınması və ümumilikdə Azərbaycan əleyhinə qanunun irəli sürülməsində Niderlandda bir neçə siyasi partiya iştirak edir”.
Bu sözləri Publika.az-a açıqlamasında Prezident yanında Dövlət İdarəçilik Akademiyasının baş müəllimi, politoloq Zaur Məmmədov deyib. O bildirib ki, Fransada Makronun başlığı altındakı partiyanın canfəşanlığını gördüksə, Niderlandda xristian ultra-sağçı, milliyyətçi və müxalif yönlü siyasətçi partiyalar fəallıq göstərir:
“Təbii ki, Azərbaycan Niderlandda, Belçika, Kanada, Fransa və digər ölkələrdə bəzi partiyaların ermənipərəst mövqe tutmasından xəbərdardır. Bu cür addımlarla açıq-aydın şəkildə erməni diasporunu müadafiə etməklə məşğuldurlar. Azərbaycan Avropanın müxtəlif ölkələri ilə, o cümlədən Niderlandla hər zaman münasibətlərinin inkişaf etdirilməsində maraqlıdır. Təəssüflər olsun ki, artıq bir neçə ildir Niderland anti-müsəlman və anti-türk addımlar atır. Buna bir neçə il əvvəl Türkiyə hökumət üzvlərinin Niderlanda gəlməsinə qadağa qoyulmasını misal çəkmək olar.
Niderland o ölkədir ki, 1990-cı illərin əvvəllərində məhz BMT-nin Niderland sülhməramlı kontingentinin fəaliyyətsizliyi və qorxaqlığı nəticəsində Bosniya və Herseqovinanın Srebrenitsa şəhərində 8300-dən çox insan soyqırıma məruz qalmışdı. İkinci Dünya müharibəsindən sonra dünyanın ayrı-ayrı ölkələrində Niderlandın müstəmləkə siyasətinin də acı nəticələrini görmüşük.
Amma Niderland və Fransadan fərqli olaraq Azərbaycan heç zaman digər xalqa qarşı təcavüzkar siyasət aparmayıb. 44 günlük müharibə də göstərdi ki, Azərbaycan çox səliqəli şəkildə hərbi əməliyyatlar apardı, mülki şəxslərə toxunmadan beynəlxalq hüququn bizə verdiyi hüquqlar çərçivəsində erməni hərbçilərini torpaqlarımızdan çıxardıq.
44 günlük müharibənin Ermənistanın məğlubiyyətilə bitməsi ilə barışmaq istəməyən bir sıra ölkələr elə bilirlər ki, orta əsrlər dövrüdür, Azərbaycanla Türkiyəyə qarşı səlib yürüşünə çıxmağa çalışırlar. Onların heç bir cəhdi alınmayacaq, qondarma Dağlıq Qarabağ yoxdur, torpaqlarımız işğaldan azad olunub”.
Aytən Məftun
-
Art18:33
Azərbaycanda gənc yazıçı vəfat etdi
-
Nida Xəbər 18:30
Prezidentdən Fransaya XƏBƏRDARLIQ: "Kritik həddə çatsa, onda bizdən heç kim inciməsin”
-
Ekologiya18:08
Güclü külək əsəcək, yağış yağacaq - XƏBƏRDARLIQ
-
Region18:00
Köçəryan Paşinyanın impiçmenti ideyasını ələ saldı: O səsləri haradan alacaqlar?
-
Rəsmi xronika17:30
İlham Əliyev Laçında sakinlərlə görüşdü
-
Qarabağ 17:10
Vardanyanın Bakıda “yazdığı” məktub həbsxanadan necə çıxıb?
-
Qoroskop16:42
40 yaşından sonra həyatları dəyişəcək bürclər: Pul, ev, karyera...
-
Rəsmi xronika16:00
İlham Əliyev və xanımı Şuşada açılışda iştirak etdilər