Ombudsmandan Allahverdi Bağırovun məzarının sökülməsinə reaksiya - VİDEO

Bu yaxınlarda Ermənistanda sosial şəbəkələrdə azərbaycanlılara qarşı nifrət şüarları səsləndirməklə Azərbaycanın Milli qəhrəmanı Allahverdi Bağırovun məzarını sökən bir qrup erməni millətçisi ilə bağlı video cəmiyyətdə ciddi narahatlıq yaradıb.

Publika.az xəbər verir ki, bu barədə Azərbaycan Respublikasının İnsan Hüquqları üzrə Müvəkkili (Ombudsman) Aparatının “Twitter” hesabında paylaşım edilib.

“Bu, Ermənistanın siyasi və hərbi rəhbərliyinin əraziləri işğal altında saxlamaq və 30 il ərzində bir milyon məcburi köçkünü torpaqlarından məhrum etmək üçün erməni əhalisi arasında azərbaycanlılara qarşı ayrıseçkiliyi və nifrəti necə təbliğ etməsini bir daha sübut edir. Videodakı hərəkət nifrət zəminində cinayətdir”, - deyə ombudsman aparatından bildirilib.

Recently the video which was shared in social networks in demonstrating how a group of Armenian nationalists dismantling the grave of #Azerbaijan/i National Hero, Allahverdi Bagirov shouting hatred slogans towards Azerbaijanis created serious concern in the society.@ECRI_CoE pic.twitter.com/IGLkltcz3m

— Ombudsman of Azerbaijan (@az_ombudsman) December 9, 2020