Sabiq baş komandandan sülhməramlılarla bağlı KRİTİK AÇIQLAMA

Rusiya sülhməramlılarının Dağlıq Qarabağda yerləşdirilməsi uzunmüddətli perspektivdə bölgədə sülhü təmin edəcək.

Publika.az xəbər verir ki, bunu Rusiya Federasiya Şurası Müdafiə və təhlükəsizlik komitəsinin sədri, Hava Kosmik Qüvvələrin keçmiş baş komandanı Viktor Bondarev TASS-a verdiyi müsahibəsində bildirib.

O, Rusiyanın Dağlıq Qarabağdakı sülhməramlı missiyasının əhəmiyyətindən danışıb: “Rusiya ilk dəfə deyil ki, ən yaxın qonşularımız arasındakı münaqişələrin həllində əsas rol oynayır. Hər iki münaqişə tərəfinə dərin hörmət bəsləyirik və onlara yalnız müharibə şəraitində mümkün olmayan yaxşılıq və firavanlıq diləyirik”.

Bondarevə görə, Rusiya, Ermənistan və Azərbaycan arasındakı üçtərəfli razılaşma Dağlıq Qarabağda daha çox qan tökülməməsini təmin edib: “Dağlıq Qarabağdakı müharibənin bitməsindən hər kəs faydalanır. Ümid edirik ki, bu, uzun illərdir davam edən qarşıdurmanın dönüş nöqtəsi olacaq, eyni zamanda, bölgədə davamlı sülhün bərqərar olması üçün ilkin şərtlər yaradacaq. Əminəm ki, rus sülhməramlıları öz vəzifələrini şərəf və ləyaqətlə yerinə yetirəcək”.

Zümrüd