Təxribatlar davam edərsə...: Ekspert

"Azərbaycan 30 il ərzində minlərlə atəşkəs pozuntusu ilə rastlaşıb. Bu cür kicik çaplı hadisələrin antiterror və ya çəkindirmə əməliyyatlarının başlamasına səbəb olacağı real deyil. Amma təxribatların miqyası böyüyərsə, Azərbaycan Ordusu sərt addımlar atacaq".

Bu sözləri Publika.az-a açıqlamasında hərbi ekspert Ədalət Verdiyev deyib.

Ekspert qeyd edib ki, Azərbaycan Silahlı Qüvvələri iki gün öncə nələr edə biləcəyinin siqnalını verib:

" Keçirdiyimiz əməliyyat onlara dərs olmalıdır. Əgər bundan nəticə çıxarmasalar, ordumuz bundan sonra da cavab tədbirləri görəcək. Əməliyyatlar başa çatan kimi Qarabağdan gecə vaxtı avtobuslarla silahlı dəstələr çıxarılmağa başladı. Bunların hər biri vurulan zərbənin nəticəsidir. Onlar hər dəfə atəşkəsi pozduqda ordumuz layiqli cavablarını verir. Azərbaycan sülh tərəfdarı olan bir dövlətdir. Ancaq təxribatlar davam edərsə, biz onların başına yenidən zərbə endirəcəyik. Ölkəmizin bundan sonra əməliyyatlar keçirməsi istisna olunmur. Ermənistan üzərinə düşən öhdəlikləri yerinə yetirib, separatçıları Qarabağdan çıxararsa, hansısa hərbi addımı atmağa ehtiyyac qalmayacaq. Amma biz keçmiş Ağdərə ərazisində hələ də texnikaların olduğunu da bilirik. Buna görə də məcburetmə əməliyyatlarının keçirilməsi istisna deyil".

Rahib Ələsgərov