Türkiyə mətbuatı ev uçqunu zamanı dünyasını dəyişən Cavid Bayramlıdan yazıb

Bu günlərdə Bakıda ev uçqunu zaman faciəli şəkildə dünyasını dəyişən, rəssam Cavid Bayramlı ilə bağlı Türkiyənin Kastamonu şəhərinin əsas qəzetləri sayılan “Nasrullah” və “Kastamonu” Cavid və atası Ədalət Bayramoğlu haqqında məqalə çap edilib

Bu barədə Kastamonu Şəhər Bələdiyyəsinin sədr müavini Mehmet Çağılcı bildirib.
“Bu xəbər bizi çox üzdü. Cavidin həyatdan vaxtsız getməsi bizləri dərindən kədərləndirir. Üzüntü ilə bələdiyyəmiz adından ailəsinə baş sağlığı veririk.

Bayramlı ailəsi Kastamonulular üçün çox əzizdir. Onun atası Ədalət Bayramoğlu Kastamonu da rəssamlıq sənətinin inkişafında özünəməxsus töhfələr verib. Hələ də Kastamonuda onun əl işləri durur. Amansız ölüm onun arzularını puç etdi.

Kastamonu insanı rəhmətlik Ədalət bəyi adına layiq, doğma vətəninə yola saldı. Bu gün onun adı hörmət və izzətlə xatırlanır. Bundan sonra xatırlanacaq. Ədalət Bayramoğlunun adına muzey fəaliyyət göstərir.

Allah hər ikisinə rəhmət eləsin!”,-deyə Mehmet Çağılcı əlavə edib.

Onu da xatırladaq ki, rəssam Ədalət Bayramoğlu 2008-ci ildə xərçəng xəstəliyindən Türkiyədə dünyasını dəyişib. Məzarı Sabirabad rayonundadır.

Elnur Eltürk