Ərzaq məhsullarının bahalaşması keyfiyyətə təsir edəcək?

Ərzaq məhsullarının bahalaşmasına əsas səbəb kimi koronavirus pandemiyası göstərilir.

Bəs, bu bahalaşma keyfiyyətə təsir edəcəkmi?

src="/storage/files/upload/a8b39b0fb731f379b3a8ff83fc134c01688ef966.jpg" style="width: 477px; height: 318px;" class="fr-fic fr-dib fr-fil">

Məsələ ilə əlaqədar Publika.az-a açıqlama verən qida təhlükəsizliyi üzrə ekspert Fuad Ağayev bildirib ki, qiymət artımının dolayı yolla keyfiyyətə təsiri ola bilər: “Çünki istehsalçılar daha çox məhsul satmaqdan ötrü onun tərkibinə daha asan başa gələn, primitiv formada hazırlanan xammal əlavə edəcəklər. Yəni, bu məsələdə cüzi dəyişikliklər ola bilər.

Qablaşdırma, etiketlənmə və qida təhlükəsizliyinin bütün mərhələlərinə riayət edən normal və böyük istehsalçıların istehsal etdiyi məhsullarda isə qiymət artımı müşahidə ediləcək. Çünki xammalın qiyməti qalxır və onlar öz təchizatlarını dəyişdirməyəcəklər. Dolların, benzinin dünyada bahalaşması kimi amillər ərzaq qiymətlərinə də təsirsiz ötüşməyəcək. Böyük müəssisələrdə qiymət artımı müşahidə olunsa da, keyfiyyətə təsiri olmayacaq. Amma orta və kiçik istehsalçıların məhsullarında keyfiyyət baxımından dəyişikliklər ola bilər”.

Ekspert vurğulayıb ki, kənd təsərrüfatı məhsullarının mətbəxə getməsi üçün lazım olan normativlərə 90% riayət olunmur: “Çünki kəndlinin bunun üçün maddi-texniki bazası yoxdur. Gigiyenik qaydalara - yuma, suda saxlama, soyuducu, temperatur rejiminə riayət edilməlidir. Bu, qida təhlükəsizliyi baxımından lazım olan qaydalardır. Temperatur rejiminə düzgün riayət edilməməsi insan səhhəti üçün təhlükəli olan amillərdəndir”.