Baş nazir yeni mühüm QƏRAR İMZALADI: Gələn ildən etibarən...

Baş nazirin imzaladığı yeni qərar Azərbaycanın beynəlxalq daşımalarda həm sərnişin, həm də yükdaşıma xidmətlərinin keyfiyyətinin daha da yüksəlməsinə səbəb olacaq.

Publika.az xəbər verir ki, yükdaşımalarla bağlı yeni qaydalar milli avtodaşıyıcıların beynəlxalq dəhlizlərdə çəkisini artıracaq.

Bu, Nazirlər Kabinetinin təsdiqlədiyi "Avtomobil nəqliyyatı ilə beynəlxalq sərnişin və yük daşımalarına buraxılış Qaydaları"nda öz əksini tapıb. Dövlət Avtomobil Nəqliyyatı Xidmətinin sektor müdiri Sübhan Əbilov Xəzər Xəbər"ə açıqlamasında bu qaydanın nələri əhatə etdiyini bildirib.

Sübhan Əbilov qeyd edib ki, yeni qaydaların əsas məqsədi beynəlxalq sərnişin və yükdaşımaları həyata keçirən milli şirkətlərin fəaliyyətinin beynəlxalq standartlara uyğunlaşdırılmasıdır.

Onu da qeyd edək ki, Nazirlər Kabinetinin "Avtomobil nəqliyyatı ilə beynəlxalq sərnişin və yük daşımalarına buraxılış Qaydaları" haqqında qərarı dərc edildiyi gündən bir il sonra qüvvəyə minəcək. Bir il ərzində Azərbaycan Yerüstü Nəqliyyat Agentliyi operatorların uçotunun aparılması üçün müvafiq hazırlıq işləri həyata keçirəcək. "Daşıyıcı bələdçisi" xidməti çərçivəsində daşıyıcılarla görüşlər təşkil ediləcək, onlara lazımi izahlar və metodiki dəstək göstəriləcək.