Multikulturalizm mövzusunda mühazirə keçirildi - FOTO

ADU-nun Magistratura şöbəsi və Fəlsəfə kafedrasının təşkilatçılığı ilə Bakı Beynəlxalq Multikulturalizm Mərkəzinin analitika şöbəsinin müdiri, fəlsəfə doktoru Rəşad İlyasovun tədris etdiyi Azərbaycan multikulturalizmi fənni üzrə tədris qrafikinə uyğun “Azərbaycanda multikulturalizm: Tarixi, mahiyyəti və əsas xüsusiyyətləri mövzusunda mühazirə təşkil olunub.

Publika.az">Publika.az xəbər verir ki, mühazirə Azərbaycan Respublikasının Milli Məclisinin deputatı dosent Ceyhun Məmmədovun iştirakı ilə baş tutub.

Magistratura şöbəsinin müdiri, dosent Firuzə Rzayeva mühazirənin təşkili ilə bağlı fikirlərini bölüşüb.

Görüş zamanı Azərbaycanın multikultural dəyərləri və çoxəsrlik tolerantlıq ənənələrindən, nümunəvi dövlət-din münasibətlərindən söz açan deputat Ceyhun Məmmədov ölkəmizdə tarixə nəzər yetirdikdə zaman boyu müxtəlif dinlərə, mədəniyyətlərə, etnik qrupların nümayəndələrinə qarşılıqlı hörmətin mövcudluğundan və bu ənənənin günümüzdə də yüksək şəkildə davam etdiyindən bəhs edib.

Bakı Beynəlxalq Multikulturalizm Mərkəzinin analitika şöbəsinin müdiri fəlsəfə doktoru Rəşad İlyasov da öz növbəsində dünyada tolerantlığından, dinlərarası dialoqda aktiv iştirak edən Azərbaycanın hazırda dinlər və mədəniyyətlərarası dialoqun aparıcı qüvvəsinə çevrildiyi haqqında geniş məlumat verib.