Qırmızı.az

Məşhədə gedən avtobus aşdı: 3 zəvvar öldü, 10-u yaralandı

13 Oktyabr 2014 10:37

Biləsuvarda sərnişin avtobusu aşıb, 3 nəfər ölüb, 10 nəfər xəsarət alıb.

Publika.az Fövqəladə Hallar Nazirliyinə istinadən xəbər verir ki, "112” qaynar telefon xəttinə daxil olmuş məlumata əsasən, Biləsuvar rayonu Bakı-Astara yolunun 91-ci kilometrliyində sərnişin avtobusu idarəetməni itirərək yol kənarına aşıb.

Dərhal hadisə yerinə Fövqəladə Hallar Nazirliyinin müvafiq xilasetmə qüvvələri cəlb olunub.

Avtomobildə olan 33 nəfər sərnişinin 3 nəfəri (kişi) aldıqları ağır bədən xəsarətlərindən hadisə yerində ölüb, 10 nəfəri isə müxtəlif bədən xəsarətləri alıb.

Meyitlər və xəsarət alanlar yanğınsöndürən-xilasedicilər tərəfindən müxtəlif alət və avadanlıqlardan istifadə olunmaqla avtobusdan çıxarılaraq aidiyy'ti üzrə təhvil veriliblər.

Qeyd edək ki, aşan avtobus Azərbaycandan İran İslam respublikasının Məşhəd şəhərinə zəvvarları aparırmış.