Sabiq prezidentdən ŞOK AÇIQLAMALAR - İlk dəfə DANIŞDI

Türkiyənin 11-ci prezidenti Abdulla Gül uzun müddətdən sonra yerli mətbuata müsahibə verib.

Publika.az xəbər verir ki, “Qərar” qəzetinin suallarını cavablandıran sabiq prezident gündəm məsələlərlə bağlı danışıb.

Gül Rusiyadan S-400 hava hücumundan müdafiə sistemi almağın yanlış qərar olduğunu deyib: “Türkiyənin demokratik və genişmiqyaslı bir ölkə ola bilməsi üçün qərb bloku daxilində Avropa ilə birgə yer alması lazımdır. Bu baxımdan, açığı, doğru addım olmadığını düşünürəm. Çünki bir ölkənin bir əlində S-400, o biri əlində bu silah sistemlərini bloklamaq üçün təkmilləşdirilmiş təyyarələrin olmayacağını hərbi və diplomatik şəxslərin görməsi vacib idi”.

Sabiq prezident qeyd edib ki, Türkiyə Misirlə münasibətləri düzəltməlidir: “Aralıq dənizini bir almaya bənzətsəniz, Türkiyə və Misiri iki yarısı kimi düşünün. Dolayısı ilə Türkiyə-Misir münasibətləri gündəlik məsələlərdən kənarda diqqətlə müzakirəyə qoyulmalıdır, hər iki ölkənin maraqları baxımından əhəmiyyətli mövqedədir”.

Abdulla Gül Ədalət və İnkişaf Partiyasından ayrılaraq yeni partiya qurmaq niyyətində olan Ali Babacanı dəstəklədiyini, onun təhsilinə, bilgisinə, siyasət üslubuna güvəndiyini bildirib.

O, Türkiyədə tam demokratrik parlament sisteminin hakim olmasını istədiyini dilə gətirib.

Zümrüd