“Muzdlu qatil” Türkiyədə xaos yaratmaq planını işə saldı

BƏƏ-nin vəliəhd şahzadəsi Məhəmməd ibn Zayedin baş məsləhətçilərindən olan Məhəmməd Dahlan Türkiyədə yeni xaos planlaşdırır.

Publika.az xəbər verir ki, bu barədə “haber7” saytının yazarı Taha Dağlı deyib.

Türkiyə daxili işlər naziri Süleyman Soylunun Əl-Cəzirə elekanına müsahibəsində “Dahlanın yeni xaos yaratmaq planlarından xəbərdarıq” açıqlamasını xatırladan T.Dağlı qeyd edib ki, bununla bağlı dövlətin əlində dəlillər var.

“Dahlan 15 iyul çevriliş cəhdinin əsas maliyyəçilərindən idi. Bu faktı İngiltərə mediası da yazmışdı. Hətta Dahlan xəbəri yazan ingilis jurnalistini məhkəmə vermişdi, lakin son anda məhkəmə şikayətini geri götürdü. Çünki o bilirdi ki, məhkəmə olsa, çarpaz suallara məruz qalacaq və Türkiyədəki çevriliş cəhdində rolu ortaya çıxa bilər. Bir müddət öncə bu şəxsin Türkiyədə iki casusu tutuldu, ondan sonra Türkiyə sərhədində yerləşən casus şəbəkəsi de-şifrə edildi. Faktlar göstərir ki, Dahlanın bağlı olduğu dairələr Türkiyədə xaos hazırlamaq planlarından əl çəkmirlər. Bu planı həyata keçirən Dahlandır və yaxın dövrdə planı həyata keçirmək istiqamətində çalışırlar. Lakin bu alınmayacaq, Süleyman Soylunun da dediyi kimi, dövlət belə oyunlardan xəbərdardır”, - T.Dağlı bildirib.

Qeyd edək ki, M.Dahlan Yaxın Şərqin “muzdlu qatili” olaraq tanınır.

Asif