Region

İranın təcili köməyə ehtiyacı var - Nazir tvitterdə yazdı

12 Mart 2020 19:08

İranın koronavirusla mübarizədə tibb ləvazimatları, briqada və müəyyənedici kitlərə ehtiyacı var.

Publika.az xəbər verir ki, bunu ölkənin Xarici İşlər naziri Məhəmməd Cavad Zərif açıqlayıb.

Nazir ölkədə bu ana qədər 429 nəfərin ölümünə yol açan, 10 min nəfərə yoluxan yeni tip koronavirusla mübarizə üçün tibbi ləvazimatların təminində problem yaşayır.

Zərif Səhiyyə Nazirliyinin ehtiyac siyahısını “TƏCİLİ” başlığı ilə tvitter hesabından paylaşaraq bütün dünya ölkələrini köməyə çağırıb. O, “virus ayrı-seçkilik etmir, insanoğlu da etməməlidir” sözlərini qeyd edib.

Nazirin paylaşdığı siyahıda 30 sətirlik təcili ehtiyata 172 milyon qoruyucu maska, 100 milyon əlcək, 3 milyon 200 min Kovid-19 müəyyənedici kit, 1000 oksigen balonu daxildir.

Zümrüd