Region

Qaşıqçı cinayətində QANDONDURAN SÖZLƏR: Təndiri yandırmağımı istədilər

5 İyul 2020 10:30

Səudiyyə Ərəbistanının jurnalisti Camal Qaşıqçının İstanbul Baş Konsulluğunda qətli ilə bağlı keçirilən məhkəmədə şahidlər ifadə verib.

Publika.az Türkiyə mətbuatına istinadla xəbər verir ki, hadisənin baş verdiyi tarixdə konsulluqda texniki işçi işləyən Zeki Demir 11-ci Ağır Cəza Məhkəməsində Qaşıqçının öldürülməsi ilə əlaqədar işdə şahid olaraq ifadə verib.

O ifadəsində bildirib ki, konsulluqdakı şəxslərdən təmir üçün bir heyətin gələcəyini eşidib: "Hadisədən bir gün əvvəl eyni şeyi söyləmək üçün Emrullah Öz evə zəng etdi. Məni gələn mühəndislərə kömək üçün iqamətgaha çağırdı. 5-6 nəfər qapıdan girməyimin qarşısını aldı. Məndən təndiri yandırmağımı istədilər. Ətrafda bir təşviş vardı. Oradan mümkün qədər tez ayrılmağımı istəyirdilər. Təndiri yandırdım. Hətta onlara zarafatla "ehtiyatlı olun, təndirə düşüb kabab olarsız" dedim. Sonra bir maşın gəldi. Mərmərin rəngi belə dəyişmişdi”.