Onişenkodan səyahət xəbərdarlığı: “Türkiyəyə getməyin”

“Türkiyə hər kəsi həyəcanlandırır. Hazırda bu ölkəyə getmək rəsmi olaraq mümkündür. Amma qeyri-rəsmi olaraq bu, tövsiyə olunmur”.

Publika.az xəbər verir ki, bu sözləri Rusiya Dövlət Dumasının Təhsil və Elm Komitəsinin sədr müavini Gennadi Onişenko deyib.

Rusiya vətəndaşlarına Türkiyəyə səyahətə getməyi tövsiyə etməyən millət vəkili bildirib ki, uçuş əlavə stress yaradacaq: “Ticarət və beynəlxalq əlaqələr üçün sərhədlər daha əvvəl açılmalı idi. Ruslar bu il pandemiya səbəbilə kifayət qədər stress keçirdi. Uçuşlar digər bir stress ünsürü olacaq. Deyək ki, yayın sonunda Türkiyəyə getdik. İsti sularda rahatladıq. Hər şey daxil sistemindən 200% istifadə etdik. Avqustun sonu və sentyabrın əvvəllərində evimizə qayıtdıq. Sentyabrın əvvəlində ölkəmiz o qədər isti olmur. Yəni özümüz üçün daha çox stress yaradacağıq. Buna görə də öz ölkəmizdə istirahət etməyə üstünlük verməliyik”.

Qeyd edək ki, Rusiya beynəlxalq uçuşları 27 martda dayandırıb. 1 avqust etibarilə Moskvadan İstanbul, Antalya və Bodruma yenidən uçuşlar təşkil olunacaq.

Zümrüd