Azərbaycanın Türkiyədən almaq istədiyi hərbi TƏYYARƏLƏRİN ÖZƏLLİKLƏRİ - FOTO

Ankara ilə Bakı arasında, xüsusən də hərbi sahədə son zamanlar möhkəmlənən əlaqələrdən sonra Azərbaycan Türkiyədə istehsal olunan təyyarələri almağı nəzərdən keçirir.

Publika.az xəbər verir ki, bu barədə “Defence News” məlumat yayıb.

Bildirilib ki, Azərbaycan Türk Aerokosmik Sənayesinin ( TUSAŞ) istehsal etdiyi “Hürkuş” təlim təyyarəsinin ikinci müştərisi olacaq. Xəbərdə vurğulanıb ki, bu ilin əvvəlində Niger sözügedən təyyarəni almaq üçün Türkiyəyə müraciət edib.

“Defence News”da Azərbaycanda “Hürkuş”a böyük marağın olduğunu və tezliklə ölkəmizə ixracatda mühüm inkişafların olacağı qeyd edilib.

Türkiyənin Müdafiə Sənayesi naziri İsmayıl Dəmir dekabrın 4-də bildirib ki, Azərbaycanda “Hürkuş”lara böyük maraq var: “Biz tezliklə təyyarələrin Azərbaycana ixracı ilə bağlı mühüm hadisələrin şahidi olacağıq”.

Türkiyənin Azərbaycandakı səfiri Cahit Bağçının sözlərinə görə, İ.Demirin açıqlamasından bir gün əvvəl “Hürkuş” ölkəmizdə uçuş sınağından keçib. Tədbirdə Azərbaycan Hərbi Hava Qüvvələrinin komandanı, general-leytenant Ramiz Tahirov da iştirak edib.

“Hürkuş”la yanaşı Azərbaycanda yüngül hücum təyyarəsi olan “Hürjet” də diqqəti cəlb edib. Təchizat mənbəyinə əsaslanan xəbərdə bildirilib ki, Bakı “Hürjet”i almaqda maraqlı olduğunu bildirib.

Silahlı təlim təyyarəsi olan “Hürjet”in “Hürkuş”un reaktiv mühərrik versiyası olduğu və təyyarə üçün proqramın 2018-ci ildə başladıldığı qeyd edilib.

“Hürjet”in xüsusiyyətləri

Maksimum sürət: 1,4 Mach

Maksimum hündürlük: 13 min 716 metr

Əsas yükgötürmə qabiliyyəti: 3 min kiloqram

Qanadının genişliyi: 9,5 metr

Uçuş məsafəsi: 2592 km

Tam səlahiyyət, rəqəmsal idarə olunan uçuş sistemi

Daxili taktiki təlim və canlı virtual konstruktor təlim sistemləri

“Hürkuş”un xüsusiyyətləri

Maksimum kruiz sürəti: 574 kilometr

Maksimum xidmət hündürlüyü: 10 min 577 metr

Maksimum havada qalma müddəti: 4 saat 15 dəqiqə

Maksimum uçuş məsafəsi: 1478 km

Akqabay