Putin Yevkurovun qardaşı oğluna Rusiya Qəhrəmanı adı verdi

Ukraynada həlak olan Rusiya müdafiə nazirinin müavini Yunus-Bek Yevkurovun qardaşı oğlu Adam Xamxoyev Rusiya Qəhrəmanı adına layiq görülüb.

Publika.az xəbər verir ki, bu barədə İnquşetiyanın rəhbəri Mahmud-Əli Kalimatov məlumat verib.

Prezidentin bu adın verilməsi ilə bağlı sərəncamı hələlik hüquqi informasiya portalında dərc olunmayıb.

“Adam mayın 19-da Severodonetsk istiqamətində hücum vaxtı düşmən snayperi tərəfindən ağır yaralanıb, evakuasiyadan imtina edib və ön cəbhədə olmaqla bölüyə rəhbərlik etməyə davam edib”, - deyə cənab Kalimatov kapitan Xamxoyevin hərbi əməliyyatlar zamanı hərəkətləri barədə özünün Telegram-kanalında bildirib.

Adam Xamxoev Ryazan Qvardiya Ali Hava Desant Komandirləri Məktəbinin məzunu idi. O, Hava Desant Qoşunlarının 31-ci Ulyanovsk desant-hücum bölüyünə komandirlik edib.

Qeyd edək ki, Rusiya Müdafiə Nazirliyi mart ayından bəri hərbçilər arasında itkilərin sayı barədə məlumat vermir. Martın 25-nə olan rəsmi məlumata görə, xüsusi əməliyyat zamanı 1351 nəfər ölüb, 3825 nəfər yaralanıb.

Səxavət