Region

Azərbaycanlı iş adamı Portuqaliya vətəndaşlığı alır

24 İyul 2022 15:19

Portuqaliya Azərbaycan əsilli rusiyalı milyarder Qod Nisanov və Lev Leviyevin vətəndaşlıq müraciətlərinə baxır.

Publika.az xəbər verir ki, bu barədə Portuqaliyanın Ədliyyə Nazirliyi bəyanat yayıb.

Sənədə əsasən, hər iki şəxsin ifadələri “baxılma mərhələsindədir”. Məsələ ilə bağlı digər təfərrüatlar hələ ki, açıqlanmır.

Qeyd edək ki, Qod Nisanov 1972-ci ilin 24 aprelində Qubada anadan olub. O, 1992-ci ildən sahibkarlıq fəaliyyəti ilə məşğul olmağa başlayıb. Hazırda Rusiyada yaşayır.

Xatırladaq ki, bundan əvvəl rusiyalı iş adamı Andrey Rappoportun da 2019-cu ildə Portuqaliya vətəndaşlığını aldığı ilə bağlı mediada məlumat yayılıb. Məlumata görə, milyarder XV əsrin sonunda ölkədən qovulmuş sefarad yəhudilərinin nəsillərinə yerli pasport almağa icazə verən qanun sayəsində respublika vətəndaşlığını ala bilib.