Region

Papikyan Şoyquya: “Rusiyanın Qafqazda mövcudluğunu yüksək qiymətləndiririk”

16 Avqust 2022 16:10

Ermənistanın müdafiə naziri Suren Papikyan Rusiyanın müdafiə naziri Sergey Şoyqu ilə hərbi-texniki və hərbi əməkdaşlıq məsələlərini müzakirə edib.

Publika.az xəbər verir ki, bu barədə Rusiya Müdafiə Nazirliyi məlumat yayıb.

Suren Papikyan qeyd edib ki, bugünkü görüş ilin əvvəlindən bəri ikincidir və bu, Ermənistan və Rusiya arasında müttəfiqlik əlaqələrinin yüksək səviyyədə olduğundan xəbər verir.

“Bu görüş bizim üçün çox önəmlidir. Biz Ermənistan-Rusiya qarşılıqlı fəaliyyətinin səviyyəsini, eləcə də Rusiyanın Cənubi Qafqazda mövcudluğunun rolunu yüksək qiymətləndiririk”, - Papikyan bildirib.

“Bizim müzakirə etməyimiz üçün çoxlu məsələlər var. Əlbəttə, Dağlıq Qarabağda tapşırıqları yerinə yetirən sülhməramlı qüvvələrimizin fəaliyyəti ilə bağlı məsələlər. Biz də sizin kimi əminik ki, əsas sabitləşdirici amil bütün təmas xətti boyunca atəşkəsin qorunmasıdır”, - Sergey Şoyqu bildirib.

Səxavət