Region

Nikol Araiki İrəvana çağırdı

15 Sentyabr 2022 12:39

Azərbaycanın Rusiya sülhməramlılarının müvəqqəti məsuliyyəti zonasında yaşayan erməni milli azlığının başçısı Araik Arutyunyan da qondarma qurumun “parlament nümayəndə heyəti” ilə İrəvana gəlib.

Publika.az xəbər verir ki, bu barədə sonuncunun “mətbuat katibi” bildirib.

“Ermənistan hökumətinin adətən saat 11:00-da başlayan bugünkü iclası saat 15:00-a keçirilib. Ola bilsin ki, buna səbəb Nikol Paşinyanın Araik Arutyunyanla görüşüdür”, - bu barədə isə Ermənistan mediası məlumat yayıb.

Qeyd edək ki, qondarma qurumun “parlamentinin fraksiya rəhbərləri və komitə sədrlərindən ibarət nümayəndə heyəti” Ermənistana yola düşüb. Məqsəd yaranmış vəziyyətlə əlaqədar siyasi görüşlər keçirməkdir.

Səxavət