Zelenski: "Rusiya ilə danışıq üçün yer yoxdur"

Oktyabrın 10-dan Ukraynada elektrik stansiyalarının 30%-i dağıdılıb və bu, ölkədə elektrik enerjisinin kütləvi şəkildə kəsilməsinə səbəb olub.

Publika.az xəbər verir ki, bunu Ukrayna Prezidenti Vladimir Zelenski bildirib.

“Oktyabrın 10-dan bəri Ukrayna elektrik stansiyalarının 30%-i sıradan çıxarılıb və bu, bütün ölkədə elektrik enerjisinin verilişində kütləvi fasilələrə səbəb olub. Danışıqlara yer yoxdur (Rusiya Federasiyası ilə – müəll.)...”, – Zelenski "Tvitter"də yazıb.

Rusiya Silahlı Qüvvələrinin Ukrayna infrastrukturuna hücumları oktyabrın 10-da, Krım körpüsündə törədilən terror aktından iki gün sonra başlayıb. Bunun arxasında Rusiya hakimiyyətinin məlumatına görə, Ukrayna xüsusi xidmət orqanları dayanır.

Rusiya Prezidenti Vladimir Putinin deyib ki, körpüdəki partlayışla Kiyev özünü ən iyrənc terror qrupları ilə bərabər tutub və “bu cür cinayətləri cavabsız qoymaq sadəcə mümkün deyil”. Xarkov və Kiyevdən tutmuş Lvov və İvano-Frankovska kimi ölkənin hər yerində enerji, müdafiə, hərbi komandanlıq və rabitə obyektlərinə hücumlar edilir və bu, elektrik enerjisinin geniş miqyasda kəsilməsinə səbəb olur.

Səxavət